Plutarch, An Recte Dictum Sit Latenter Esse Vivendum, section 3

"μὴ διαλέγου:? μηδὲ τοῖς ἀπ Αἰγύπτου ξενολόγει μηδὲ τοὺς Λαμψακηνῶν ἐφήβους δορυφόρει:

μηδὲ διάπεμπε βίβλους, πᾶσι καὶ πάσαις ἐπιδεικνύμενος τὴν σοφίαν, μηδὲ διατάσσου περὶ ταφῆς.

τί γὰρ αἱ κοιναὶ τράπεζαι· τί δ αἱ τῶν ἐπιτηδείων καὶ καλῶν σύνοδοι· τί δ αἱ τοσαῦται μυριάδες στίχων ἐπὶ Μητρόδωρον, ἐπ Ἀριστόβουλον, ἐπὶ Χαιρέδημον γραφόμεναι καὶ συντασσόμεναι φιλοπόνως· ἵνα μηδ ἀποθανόντες λάθωσιν, ἢ ἵν ἀμνηστίαν νομοθετῇς ἀρετῇ καὶ ἀπραξίαν τέχνῃ καὶ σιωπὴν φιλοσοφίᾳ καὶ λήθην εὐπραγίᾳ·?