Plato, Parmenides, Philebus, Symposium, Phaedrus, Φαῖδρος 316:

σοὶ δ’ ἴσωσ διαφέρει τίσ ὁ λέγων καὶ ποδαπόσ. οὐ γὰρ ἐκεῖνο μόνον σκοπεῖσ, εἴτε οὕτωσ εἴτε ἄλλωσ ἔχει; ὀρθῶσ ἐπέπληξασ, καί μοι δοκεῖ περὶ γραμμάτων ἔχειν ᾗπερ ὁ Θηβαῖοσ λέγει. οὐκοῦν ὁ τέχνην οἰόμενοσ ἐν γράμμασι καταλιπεῖν, καὶ αὖ ὁ παραδεχόμενοσ ὥσ τι σαφὲσ καὶ βέβαιον ἐκ γραμμάτων ἐσόμενον, πολλῆσ ἂν εὐηθείασ γέμοι καὶ τῷ ὄντι τὴν Ἄμμωνοσ μαντείαν ἀγνοοῖ, πλέον τι οἰόμενοσ εἶναι λόγουσ γεγραμμένουσ τοῦ τὸν εἰδότα ὑπομνῆσαι περὶ ὧν ἂν ᾖ τὰ γεγραμμένα.