Plato, Parmenides, Philebus, Symposium, Phaedrus, Φαῖδρος 181:

ὁμοιότατον τῷ σφετέρῳ θεῷ. ὅσοι δ’ αὖ μεθ’ Ἥρασ εἵποντο, βασιλικὸν ζητοῦσι, καὶ εὑρόντεσ περὶ τοῦτον πάντα δρῶσιν τὰ αὐτά. οἱ δὲ Ἀπόλλωνόσ τε καὶ ἑκάστου τῶν θεῶν οὕτω κατὰ τὸν θεὸν ἰόντεσ ζητοῦσι τὸν σφέτερον παῖδα πεφυκέναι, καὶ ὅταν κτήσωνται, μιμούμενοι αὐτοί τε καὶ τὰ παιδικὰ πείθοντεσ καὶ ῥυθμίζοντεσ εἰσ τὸ ἐκείνου ἐπιτήδευμα καὶ ἰδέαν ἄγουσιν, ὅση ἑκάστῳ δύναμισ, οὐ φθόνῳ οὐδ’ ἀνελευθέρῳ δυσμενείᾳ χρώμενοι πρὸσ τὰ παιδικά, ἀλλ’ εἰσ ὁμοιότητα αὑτοῖσ καὶ τῷ θεῷ ὃν ἂν τιμῶσι πᾶσαν πάντωσ ὅτι μάλιστα πειρώμενοι ἄγειν οὕτω ποιοῦσι.