ἀλλὰ τὴν τῶν τεχνῶν δημιουργίαν οὐκ ἴσμεν, ὅτι οὗ μὲν ἂν ὁ θεὸσ οὗτοσ διδάσκαλοσ γένηται, ἐλλόγιμοσ καὶ φανὸσ ἀπέβη, οὗ δ’ ἂν Ἔρωσ μὴ ἐφάψηται, σκοτεινόσ; τοξικήν γε μὴν καὶ ἰατρικὴν καὶ μαντικὴν Ἀπόλλων ἀνηῦρεν ἐπιθυμίασ καὶ ἔρωτοσ ἡγεμονεύσαντοσ, ὥστε καὶ οὗτοσ Ἔρωτοσ ἂν εἰή μαθητήσ, καὶ Μοῦσαι μουσικῆσ καὶ Ἥφαιστοσ χαλκείασ καὶ Ἀθηνᾶ ἱστουργίασ καὶ Ζεὺσ κυβερνᾶν θεῶν τε καὶ ἀνθρώπων.
