τὸ γὰρ τῶν παίδων τέλοσ ἄδηλον οἷ τελευτᾷ κακίασ καὶ ἀρετῆσ ψυχῆσ τε πέρι καὶ σώματοσ. οἱ μὲν οὖν ἀγαθοὶ τὸν νόμον τοῦτον αὐτοὶ αὑτοῖσ ἑκόντεσ τίθενται, χρῆν δὲ καὶ τούτουσ τοὺσ πανδήμουσ ἐραστὰσ προσαναγκάζειν τὸ τοιοῦτον, ὥσπερ καὶ τῶν ἐλευθέρων γυναικῶν προσαναγκάζομεν αὐτοὺσ καθ’ ὅσον δυνάμεθα μὴ ἐρᾶν. οὗτοι γάρ εἰσιν οἱ καὶ τὸ ὄνειδοσ πεποιηκότεσ, ὥστε τινὰσ τολμᾶν λέγειν ὡσ αἰσχρὸν χαρίζεσθαι ἐρασταῖσ·
