Plato, Parmenides, Philebus, Symposium, Phaedrus, Φίληβος 123:

μεμνησόμεθα· πῶσ γὰρ οὔ; δεῖ δὴ τὸ μετὰ τοῦτο, ἐν ᾧ τέ ἐστιν ἑκάτερον αὐτοῖν καὶ διὰ τί πάθοσ γίγνεσθον ὁπόταν γίγνησθον ἰδεῖν ἡμᾶσ. πρῶτον τὴν ἡδονήν· ὥσπερ τὸ γένοσ αὐτῆσ πρότερον ἐβασανίσαμεν, οὕτω καὶ ταῦτα πρότερα. λύπησ δὲ αὖ χωρὶσ τὴν ἡδονὴν οὐκ ἄν ποτε δυναίμεθα ἱκανῶσ βασανίσαι. ἀλλ’ εἰ ταύτῃ χρὴ πορεύεσθαι, ταύτῃ πορευώμεθα. ἆρ’ οὖν σοὶ καθάπερ ἐμοὶ φαίνεται τῆσ γενέσεωσ αὐτῶν πέρι;