Plato, Parmenides, Philebus, Symposium, Phaedrus, Φίληβος? 21:

τὴν τοίνυν διαφορότητα, ὦ Πρώταρχε, τοῦ ἀγαθοῦ τοῦ τ ἐμοῦ καὶ τοῦ σοῦ μὴ ἀποκρυπτόμενοι, κατατιθέντες δὲ εἰς τὸ μέσον, τολμῶμεν, ἄν πῃ ἐλεγχόμενοι μηνύσωσι πότερον ἡδονὴν τἀγαθὸν δεῖ λέγειν ἢ φρόνησιν ἤ τι τρίτον ἄλλο εἶναι. νῦν γὰρ οὐ δήπου πρός γε αὐτὸ τοῦτο φιλονικοῦμεν, ὅπως ἁγὼ τίθεμαι, ταῦτ ἔσται τὰ νικῶντα, ἢ ταῦθ ἃ σύ, τῷ δ ἀληθεστάτῳ δεῖ που συμμαχεῖν ἡμᾶς ἄμφω. δεῖ γὰρ οὖν.