Plato, Parmenides, Philebus, Symposium, Phaedrus, Παρμενίδης 306:

πῶσ γὰρ ἄν; εἰ ἄρα ἐν τῷ ἑνὶ σμικρότησ ἐγγίγνεται, ἤτοι ἐν ὅλῳ ἂν ἢ ἐν μέρει αὐτοῦ ἐνείη. ἀνάγκη. τί δ’ εἰ ἐν ὅλῳ ἐγγίγνοιτο; οὐχὶ ἢ ἐξ ἴσου ἂν τῷ ἑνὶ δι’ ὅλου αὐτοῦ τεταμένη εἰή ἢ περιέχουσα αὐτό; δῆλον δή. ἆρ’ οὖν οὐκ ἐξ ἴσου μὲν οὖσα ἡ σμικρότησ τῷ ἑνὶ ἴση ἂν αὐτῷ εἰή, περιέχουσα δὲ μείζων; πῶσ δ’ οὔ; δυνατὸν οὖν σμικρότητα ἴσην τῳ εἶναι ἢ μείζω τινόσ, καὶ πράττειν τὰ μεγέθουσ τε καὶ ἰσότητοσ, ἀλλὰ μὴ τὰ ἑαυτῆσ;