Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Τίμαιος 239:

τοιούτων δὲ ἀποτελεσθεισῶν τεττάρων πρῶτον εἶδοσ στερεόν, ὅλου περιφεροῦσ διανεμητικὸν εἰσ ἴσα μέρη καὶ ὅμοια, συνίσταται. δεύτερον δὲ ἐκ μὲν τῶν αὐτῶν τριγώνων, κατὰ δὲ ἰσόπλευρα τρίγωνα ὀκτὼ συστάντων, μίαν ἀπεργασαμένων στερεὰν γωνίαν ἐκ τεττάρων ἐπιπέδων· καὶ γενομένων ἓξ τοιούτων τὸ δεύτερον αὖ σῶμα οὕτωσ ἔσχεν τέλοσ. τὸ δὲ τρίτον ἐκ δὶσ ἑξήκοντα τῶν στοιχείων συμπαγέντων, στερεῶν δὲ γωνιῶν δώδεκα, ὑπὸ πέντε ἐπιπέδων τριγώνων ἰσοπλεύρων περιεχομένησ ἑκάστησ, εἴκοσι βάσεισ ἔχον ἰσοπλεύρουσ τριγώνουσ γέγονεν.