Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Μενέξενος 14:

τί οὖν οὐ διῆλθεσ; ἀλλ’ ὅπωσ μή μοι χαλεπανεῖ ἡ διδάσκαλοσ, ἂν ἐξενέγκω αὐτῆσ τὸν λόγον. μηδαμῶσ, ὦ Σώκρατεσ, ἀλλ’ εἰπέ, καὶ πάνυ μοι χαριῇ, εἴτε Ἀσπασίασ βούλει λέγειν εἴτε ὁτουοῦν· ἀλλὰ μόνον εἰπέ. ἀλλ’ ἴσωσ μου καταγελάσῃ, ἄν σοι δόξω πρεσβύτησ ὢν ἔτι παίζειν. οὐδαμῶσ, ὦ Σώκρατεσ, ἀλλ’ εἰπὲ παντὶ τρόπῳ. ἀλλὰ μέντοι σοί γε δεῖ χαρίζεσθαι, ὥστε κἂν ὀλίγου, εἴ με κελεύοισ ἀποδύντα ὀρχήσασθαι, χαρισαίμην ἄν, ἐπειδή γε μόνω ἐσμέν. ἀλλ’ ἄκουε.