Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ἱππίασ μειζών 49:

εἰε͂ν· μανθάνω, ὦ Ἱππία, ὡσ ἄρα χρὴ ἀντιλέγειν πρὸσ τὸν ταῦτα ἐρωτῶντα τάδε· ὦ ἄνθρωπε, ἀγνοεῖσ ὅτι τὸ τοῦ Ἡρακλείτου εὖ ἔχει, ὡσ ἄρα "πιθήκων ὁ κάλλιστοσ αἰσχρὸσ ἀνθρώπων γένει συμβάλλειν," καὶ χυτρῶν ἡ καλλίστη αἰσχρὰ παρθένων γένει συμβάλλειν, ὥσ φησιν Ἱππίασ ὁ σοφόσ. οὐχ οὕτωσ, ὦ Ἱππία; πάνυ μὲν οὖν, ὦ Σώκρατεσ, ὀρθῶσ ἀπεκρίνω. ἄκουε δή. μετὰ τοῦτο γὰρ εὖ οἶδ’ ὅτι φήσει· "τί δέ, ὦ Σώκρατεσ; τὸ τῶν παρθένων γένοσ θεῶν γένει ἄν τισ συμβάλλῃ, οὐ ταὐτὸν πείσεται ὅπερ τὸ τῶν χυτρῶν τῷ τῶν παρθένων συμβαλλόμενον;