Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ἱππίασ μειζών 19:

ἐν δέ γε ταῖσ εὐνόμοισ πόλεσιν τιμιώτατον ἡ ἀρετή. πάνυ γε. σὺ δὲ ταύτην παραδιδόναι ἄλλῳ κάλλιστ’ ἀνθρώπων ἐπίστασαι. καὶ πολύ γε, ὦ Σώκρατεσ. ὁ οὖν κάλλιστ’ ἐπιστάμενοσ ἱππικὴν παραδιδόναι ἆρ’ οὐκ ἂν ἐν Θετταλίᾳ τῆσ Ἑλλάδοσ μάλιστα τιμῷτο καὶ πλεῖστα χρήματα λαμβάνοι, καὶ ἄλλοθι ὅπου τοῦτο σπουδάζοιτο; εἰκόσ γε. ὁ δὴ δυνάμενοσ παραδιδόναι τὰ πλείστου ἄξια μαθήματα εἰσ ἀρετὴν οὐκ ἐν Λακεδαίμονι μάλιστα τιμήσεται καὶ πλεῖστα ἐργάσεται χρήματα, ἂν βούληται, καὶ ἐν ἄλλῃ πόλει ἥτισ τῶν Ἑλληνίδων εὐνομεῖται;