Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ἱππίασ μειζών 8:

καλῶσ γε σύ, ὦ Ἱππία, ὀνομάζων τε καὶ διανοούμενοσ, ὡσ ἐμοὶ δοκεῖσ. συμμαρτυρῆσαι δέ σοι ἔχω ὅτι ἀληθῆ λέγεισ, καὶ τῷ ὄντι ὑμῶν ἐπιδέδωκεν ἡ τέχνη πρὸσ τὸ καὶ τὰ δημόσια πράττειν δύνασθαι μετὰ τῶν ἰδίων. Γοργίασ τε γὰρ οὗτοσ ὁ Λεοντῖνοσ σοφιστὴσ δεῦρο ἀφίκετο δημοσίᾳ οἴκοθεν πρεσβεύων, ὡσ ἱκανώτατοσ ὢν Λεοντίνων τὰ κοινὰ πράττειν, καὶ ἔν τε τῷ δήμῳ ἔδοξεν ἄριστα εἰπεῖν, καὶ ἰδίᾳ ἐπιδείξεισ ποιούμενοσ καὶ συνὼν τοῖσ νέοισ χρήματα πολλὰ ἠργάσατο καὶ ἔλαβεν ἐκ τῆσδε τῆσ πόλεωσ·