Lucian, Vitarum auctio, (no name) 25:

(루키아노스, Vitarum auctio, (no name) 25:)

μὴ διάτριβε· ἄλλον κάλει τὸν Περιπατητικόν. σέ φημι, τὸν καλόν, τὸν πλούσιον. ἄγε δή, ὠνήσασθε τὸν συνετώτατον, τὸν ἅπαντα ὅλωσ ἐπιστάμενον. ποῖοσ δέ τισ ἐστί; μέτριοσ, ἐπιεικήσ, ἁρμόδιοσ τῷ βίῳ, τὸ δὲ μέγιστον, διπλοῦσ. πῶσ λέγεισ; ἄλλοσ μὲν ὁ ἔκτοσθεν φαινόμενοσ, ἄλλοσ δὲ ὁ ἔντοσθεν εἶναι δοκεῖ· ὥστε ἢν πρίῃ αὐτόν, μέμνησο τὸν μὲν ἐξωτερικόν, τὸν δὲ ἐσωτερικὸν καλεῖν. τί δὲ γινώσκει μάλιστα; τρία εἶναι τὰ ἀγαθά, ἐν ψυχῇ, ἐν σώματι, ἐν τοῖσ ἐκτόσ. ἀνθρώπινα φρονεῖ. πόσου δέ ἐστιν; εἴκοσι μνῶν. πολλοῦ ^ λέγεισ. οὔκ, ὦ μακάριε· καὶ γὰρ αὐτὸσ ἔχειν τι ἀργύριον δοκεῖ, ὥστε οὐκ ἂν φθάνοισ ὠνούμενοσ. ἔτι δὲ εἴσῃ αὐτίκα μάλα παρ’ αὐτοῦ πόσον μὲν ὁ κώνωψ βιοῖ τὸν χρόνον, ἐφ’ ὁπόσον δὲ βάθοσ ἡ θάλαττα ὑπὸ τοῦ ἡλίου καταλάμπεται, καὶ ὁποία τίσ ἐστιν ἡ ψυχὴ τῶν ὀστρείων. Ἡράκλεισ τῆσ ἀκριβολογίασ. τί δὲ εἰ ἀκούσειασ ἄλλα πολλῷ τούτων ὀξυδερκέστερα, γονῆσ τε πέρι καὶ γενέσεωσ καὶ τῆσ ἐν ταῖσ μήτραισ τῶν ἐμβρύων πλαστικῆσ, καὶ ὡσ ἄνθρωποσ μὲν γελαστικόν, ὄνοσ δὲ οὐ γελαστικὸν οὐδὲ τεκταινόμενον οὐδὲ πλωϊζόμενον; πάνσεμνα φὴσ καὶ ὀνησιφόρα τὰ μαθήματα ὥστε ὠνοῦμαι αὐτὸν τῶν εἴκοσιν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION