Lucian, Toxaris vel amicitia, (no name) 43:

(루키아노스, Toxaris vel amicitia, (no name) 43:)

τρίτην δέ σοι διηγήσομαι, ὦ Μνήσιππε, τὴν Μακέντου ^ φιλίαν καὶ Λογχάτου καὶ Ἀρσακόμα. ὁ γὰρ Ἀρσακόμασ οὗτοσ ἠράσθη Μαζαίασ τῆσ Λευκάνοροσ, τοῦ βασιλεύσαντοσ ἐν Βοσπόρῳ, ὁπότε ἐπρέσβευεν ὑπὲρ τοῦ δασμοῦ ὃν οἱ Βοσπορανοὶ ἀεὶ φέροντεσ ἡμῖν τότε ἤδη τρίτον μῆνα ὑπερήμεροι ἐγεγένηντο. ἐν τῷ δείπνῳ οὖν ἰδὼν τὴν Μαζαίαν μεγάλην καὶ καλὴν παρθένον ἤρα καὶ πονηρῶσ εἶχε. ^ τὰ μὲν οὖν περὶ τῶν φόρων διεπέπρακτο ἤδη, καὶ ἐχρημάτιζεν αὐτῷ ὁ βασιλεὺσ καὶ εἱστία, ἤδη αὐτὸν ἀποπέμπων. ἔθοσ δέ ἐστιν ἐν Βοσπόρῳ τοὺσ μνηστῆρασ ἐπὶ τῷ δείπνῳ αἰτεῖν τὰσ κόρασ καὶ λέγειν οἵτινεσ ὄντεσ ἀξιοῦσι καταδεχθῆναι ἐπὶ τὸν γάμον, καὶ δὴ καὶ τότε ἔτυχον ἐν τῷ δείπνῳ πολλοὶ μνηστῆρεσ παρόντεσ, βασιλεῖσ καὶ βασιλέων παῖδεσ· καὶ ^ Τιγραπάτησ ἦν ὁ Λαζῶν δυνάστησ καὶ Ἀδύρμαχοσ ὁ Μαχλυηνῆσ ἄρχων καὶ ἄλλοι πολλοί. δεῖ δὲ τῶν μνηστήρων ἕκαστον, προσαγγείλαντα ἑαυτὸν διότι μνηστευσόμενοσ ἥκει, δειπνεῖν ἐν τοῖσ ἄλλοισ κατακείμενον ἐφ’ ἡσυχίασ· ἐπὰν δὲ παύσωνται δειπνοῦντεσ, αἰτήσαντα φιάλην ἐπισπεῖσαι κατὰ τῆσ τραπέζησ καὶ μνηστεύεσθαι τὴν παῖδα πολλὰ ἐπαινοῦντα ἑαυτόν, ὥσ τισ ἢ γένουσ ἢ πλούτου ἢ δυνάμεωσ ἔχει.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION