Lucian, Toxaris vel amicitia, (no name) 36:

(루키아노스, Toxaris vel amicitia, (no name) 36:)

πρότερον δέ σοι εἰπεῖν βούλομαι ὃν τρόπον ποιούμεθα τοὺσ φίλουσ, οὐκ ἐκ τῶν πότων, ὥσπερ ὑμεῖσ, οὐδὲ εἰ συνέφηβόσ τισ ἢ γείτων ἦν, ἀλλ’ ἐπειδάν τινα ἴδωμεν ἀγαθὸν ἄνδρα καὶ μεγάλα ἐργάσασθαι δυνάμενον, ἐπὶ τοῦτον ἅπαντεσ σπεύδομεν, καὶ ὅπερ ὑμεῖσ ἐν τοῖσ γάμοισ, τοῦτο ἡμεῖσ ἐπὶ τῶν φίλων ποιεῖν ἀξιοῦμεν, ἐπὶ πολὺ μνηστευόμενοι καὶ πάντα ὁμοῦ πράττοντεσ ὡσ μὴ διαμαρτάνοιμεν τῆσ φιλίασ μηδὲ ἀπόβλητοι δόξωμεν εἶναι. κἀπειδὰν προκριθείσ τισ ἤδη φίλοσ ᾖ, συνθῆκαι τὸ ἀπὸ τούτου καὶ ὁρ́κοσ ὁ μέγιστοσ, ἦ μὴν καὶ βιώσεσθαι μετ’ ἀλλήλων καὶ ἀποθανεῖσθαι, ἢν δέῃ, ὑπὲρ τοῦ ἑτέρου τὸν ἕτερον· καὶ οὕτω ποιοῦμεν. ἀφ’ οὗ γὰρ ἂν ἐντεμόντεσ ἅπαξ τοὺσ δακτύλουσ ἐνσταλάξωμεν τὸ αἷμα εἰσ κύλικα καὶ τὰ ξίφη ἄκρα βάψαντεσ ἅμα ἀμφότεροι ἐπισχόμενοι πίωμεν, οὐκ ἔστιν ὅ τι τὸ μετὰ τοῦτο ἡμᾶσ διαλύσειεν ἄν. ἐφεῖται δὲ τὸ μέγιστον ἄχρι τριῶν ἐσ τὰσ συνθήκασ εἰσιέναι· ὡσ ὅστισ ἂν πολύφιλοσ ᾖ, ὅμοιοσ ἡμῖν δοκεῖ ταῖσ κοιναῖσ ταύταισ καὶ μοιχευομέναισ γυναιξί, καὶ οἰόμεθα οὐκέθ’ ὁμοίωσ ἰσχυρὰν αὐτοῦ τὴν φιλίαν εἶναι, πρὸσ πολλὰσ εὐνοίασ διαιρεθεῖσαν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION