Lucian, Toxaris vel amicitia, (no name) 15:

(루키아노스, Toxaris vel amicitia, (no name) 15:)

οἷσ ἅπασι κατὰ τοῦ Δεινίου ἐκέχρητο· καὶ ἐπεὶ ᾔσθετο πονηρῶσ ἔχοντα καὶ διάβροχον ἤδη τῷ ἔρωτι καὶ τακερὸν γεγενημένον, ἄλλο ἐπὶ τούτοισ ἐπενόει καὶ τὸν ἄθλιον ἀπώλλυε· κύειν τε γὰρ ἐξ αὐτοῦ σκήπτεται ‐ ἱκανὸν δὲ καὶ τοῦτο βλᾶκα ἐραστὴν προσεκπυρῶσαι ‐ καὶ οὐκέτι ἐφοίτα πρὸσ αὐτόν, φυλάττεσθαι ὑπὸ τἀνδρὸσ λέγουσα πεπυσμένου τὸν ἔρωτα. ὁ δ’ οὐκέτι οἱο͂́σ τε ἦν φέρειν τὸ πρᾶγμα, οὐδὲ ἠνείχετο μὴ ὁρῶν αὐτήν, ἀλλὰ ἐδάκρυε καὶ τοὺσ κόλακασ εἰσέπεμπεν καὶ τοὔνομα τῆσ Χαρικλείασ ἐπεβοᾶτο καὶ τὴν εἰκόνα περιβαλὼν αὐτῆσ ‐ ἐπεποίητο δὲ λίθου λευκοῦ ‐ ἐκώκυε, καὶ τέλοσ καταβαλὼν ἑαυτὸν εἰσ τοὔδαφοσ ἐκυλίνδετο καὶ λύττα ἦν ἀκριβὴσ τὸ πρᾶγμα. τὰ μὲν γὰρ δῶρα οὐ κατὰ μῆλα καὶ στεφάνουσ ἀντεδίδοτο αὐτῇ, ἀλλὰ συνοικίαι ὅλαι καὶ ἀγροὶ καὶ θεράπαιναι καὶ ἐσθῆτεσ εὐανθεῖσ καὶ χρυσὸν ὁπόσον ἐθελήσειε Καὶ τί γάρ ; ἐν βραχεῖ ὁ Λύσωνοσ οἶκοσ, ὀνομαστότατοσ τῶν ἐν Ιὠνίᾳ γενόμενοσ, ἐξήντλητο ἤδη καὶ ἐξεκεκένωτο.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION