Lucian, Toxaris vel amicitia, (no name) 12:

(루키아노스, Toxaris vel amicitia, (no name) 12:)

ἴστω τοίνυν ὁ Ζεὺσ ὁ Φίλιοσ, ἦ μὴν ὁπόσα, ἂν λέγω πρὸσ σὲ ἢ αὐτὸσ εἰδὼσ ἢ παρ’ ἄλλων ὁπόσον οἱο͂́ν τε ἦν δι’ ἀκριβείασ ἐκπυνθανόμενοσ ἐρεῖν, μηδὲν παρ’ ἐμαυτοῦ ἐπιτραγῳδῶν. καὶ πρώτην γέ σοι τὴν Ἀγαθοκλέουσ καὶ Δεινίου φιλίαν διηγήσομαι, ἀοίδιμον ἐν τοῖσ Ιὤσι γενομένην. Ἀγαθοκλῆσ γὰρ οὗτοσ ὁ Σάμιοσ οὐ πρὸ πολλοῦ ἐγένετο, ἄριστοσ μὲν πρὸσ φιλίαν, ὡσ ἔδειξεν, τὰ ἄλλα δὲ οὐδὲν ἀμείνων Σαμίων τῶν πολλῶν οὔτε ἐσ τὸ γένοσ οὔτε ἐσ τὴν ἄλλην περιουσίαν. Δεινίᾳ δὲ τῷ Λύσωνοσ ^ Ἐφεσίῳ φίλοσ ἐκ παίδων ἦν. ὁ δὲ Δεινίασ ἐπλούτει ἄρα εἰσ ὑπερβολήν, καὶ ὥσπερ εἰκὸσ νεόπλουτον ὄντα, πολλοὺσ καὶ ἄλλουσ εἶχε περὶ ἑαυτόν, ἱκανοὺσ μὲν συμπιεῖν καὶ πρὸσ ἡδονὴν συνεῖναι, φιλίασ δὲ πλεῖστον ὅσον ἀποδέοντασ. τέωσ μὲν οὖν ἐν τούτοισ καὶ ὁ Ἀγαθοκλῆσ ἐξητάζετο, καὶ συνῆν καὶ συνέπινεν αὐτοῖσ οὐ πάνυ χαίρων τῇ τοιαύτῃ διατριβῇ, καὶ ὁ Δεινίασ οὐδὲν αὐτὸν ἐντιμότερον εἶχεν τῶν κολάκων. τελευταῖον δὲ καὶ προσέκρουε τὰ πολλὰ ἐπιτιμῶν, καὶ φορτικὸσ ἐδόκει ὑπομιμνήσκων ἀεὶ τῶν προγόνων καὶ φυλάττειν παραγγέλλων ἃ μετὰ πολλῶν καμάτων ὁ πατὴρ αὐτῷ κτησάμενοσ κατέλιπεν, ὥστε διὰ ταῦτα οὐδὲ ἐπὶ τοὺσ κώμουσ ἀπῆγεν ἔτι αὐτόν, ἀλλὰ μόνοσ μετ’ ἐκείνων ἐκώμαζε, λανθάνειν πειρώμενοσ τὸν Ἀγαθοκλέα.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION