Lucian, Timon, (no name) 18:

(루키아노스, Timon, (no name) 18:)

τί οὖν ἀγανακτεῖσ κατ’ αὐτῶν; διδόασι γὰρ ἄμφω καλὴν τὴν δίκην, οἱ μὲν ὥσπερ ὁ Τάνταλοσ ἄποτοι καὶ ἄγευστοι καὶ ξηροὶ τὸ στόμα, ἐπικεχηνότεσ μόνον τῷ χρυσίῳ, οἱ δὲ καθάπερ ὁ Φινεὺσ ἀπὸ τῆσ φάρυγγοσ τὴν τροφὴν ὑπὸ τῶν Ἁρπυιῶν ἀφαιρούμενοι. ἀλλ’ ἄπιθι ἤδη σωφρονεστέρῳ παρὰ πολὺ τῷ Τίμωνι ἐντευξόμενοσ. ἐκεῖνοσ γάρ ποτε παύσεται ὥσπερ ἐκ κοφίνου τετρυπημένου, πρὶν ὅλωσ εἰσρυῆναί με, κατὰ σπουδὴν ἐξαντλῶν, φθάσαι βουλόμενοσ τὴν ἐπιρροήν, μὴ ὑπέραντλοσ εἰσπεσὼν ἐπικλύσω αὐτόν; ὥστε ἐσ τὸν τῶν Δαναΐδων πίθον ὑδροφορήσειν μοι δοκῶ καὶ μάτην ἐπαντλήσειν, τοῦ κύτουσ μὴ στέγοντοσ, ἀλλὰ πρὶν εἰσρυῆναι σχεδὸν ἐκχυθησομένου τοῦ ἐπιρρέοντοσ· οὕτωσ εὐρύτερον τὸ πρὸσ τὴν ἔκχυσιν κεχηνὸσ τοῦ πίθου καὶ ἀκώλυτοσ ἡ ἔξοδοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION