Lucian, Timon, (no name) 9:

(루키아노스, Timon, (no name) 9:)

καὶ μὴν οὐ παροπτέοσ ἁνὴρ οὐδὲ ἀμελητέοσ· εἰκότωσ γὰρ ἠγανάκτει δυστυχῶν ἐπεὶ καὶ ὅμοια ποιήσομεν τοῖσ καταράτοισ κόλαξιν ἐκείνοισ ἐπιλελησμένοι ἀνδρὸσ τοσαῦτα μηρία ταύρων τε καὶ αἰγῶν πιότατα καύσαντοσ ἡμῖν ἐπὶ τῶν βωμῶν· ἔτι γοῦν ἐν ταῖσ ῥισὶ τὴν κνῖσαν αὐτῶν ἔχω. πλὴν ὑπ’ ἀσχολίασ τε καὶ θορύβου πολλοῦ τῶν ἐπιορκούντων καὶ βιαζομένων καὶ ἁρπαζόντων, ἔτι δὲ καὶ φόβου τοῦ παρὰ τῶν ἱεροσυλούντων ‐ πολλοὶ γὰρ οὗτοι καὶ δυσφύλακτοι καὶ οὐδὲ ἐπ’ ὀλίγον καταμύσαι ἡμῖν ἐφιᾶσι ‐ πολὺν ἤδη χρόνον οὐδὲ ἀπέβλεψα ἐσ τὴν Ἀττικήν, καὶ μάλιστα ἐξ οὗ φιλοσοφία καὶ λόγων ἔριδεσ ἐπεπόλασαν αὐτοῖσ· μαχομένων γὰρ πρὸσ ἀλλήλουσ καὶ κεκραγότων οὐδὲ ἐπακούειν ἔστι τῶν εὐχῶν ὥστε ἢ ἐπιβυσάμενον χρὴ τὰ ὦτα καθῆσθαι ἢ ἐπιτριβῆναι πρὸσ αὐτῶν, ἀρετήν τινα καὶ ἀσώματα καὶ λήρουσ μεγάλῃ τῇ φωνῇ συνειρόντων. διὰ ταῦτά τοι καὶ τοῦτον ἀμεληθῆναι συνέβη πρὸσ ἡμῶν οὐ φαῦλον ὄντα.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION