Lucian, Timon, (no name) 8:

(루키아노스, Timon, (no name) 8:)

οὑτωσὶ μὲν εἰπεῖν, χρηστότησ ἐπέτριψεν αὐτὸν καὶ φιλανθρωπία καὶ ὁ πρὸσ τοὺσ δεομένουσ ἅπαντασ οἶκτοσ, ὡσ δὲ ἀληθεῖ λόγῳ, ἄνοια καὶ εὐήθεια καὶ ἀκρισία περὶ τῶν φίλων, ὃσ οὐ συνίει κόραξι καὶ λύκοισ χαριζόμενοσ, ἀλλ’ ὑπὸ γυπῶν τοσούτων ὁ κακοδαίμων κειρόμενοσ τὸ ἧπαρ φίλουσ εἶναι αὐτοὺσ καὶ ἑταίρουσ ᾤετο, ὑπ’ εὐνοίασ τῆσ πρὸσ αὐτὸν χαίροντασ τῇ βορᾷ· οἱ δὲ τὰ ὀστᾶ γυμνώσαντεσ ἀκριβῶσ καὶ περιτραγόντεσ, εἰ δέ τισ καὶ μυελὸσ ἐνῆν, ἐκμυζήσαντεσ καὶ τοῦτον εὖ μάλα ἐπιμελῶσ, ᾤχοντο αὐο͂ν αὐτὸν καὶ τὰσ ῥίζασ ὑποτετμημένον ἀπολιπόντεσ, οὐδὲ γνωρίζοντεσ ἔτι ἢ προσβλέποντεσ ‐ πόθεν γάρ; ‐ ‐ ἢ ἐπικουροῦντεσ ἢ ἐπιδιδόντεσ ἐν τῷ μέρει. διὰ ταῦτα δικελλίτησ καὶ διφθερίασ, ὡσ ὁρᾷσ, ἀπολιπὼν ὑπ’ αἰσχύνησ τὸ ἄστυ μισθοῦ γεωργεῖ μελαγχολῶν τοῖσ κακοῖσ, ὅτι οἱ πλουτοῦντεσ παρ’ αὐτοῦ μάλα ὑπεροπτικῶσ παρέρχονται οὐδὲ τοὔνομα, εἰ Τίμων καλοῖτο, εἰδότεσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION