Lucian, Somnium sive vita Luciani, (no name) 7:

(루키아노스, Somnium sive vita Luciani, (no name) 7:)

"λιθοξόοσ ἦν καὶ τὼ θείω ἀμφοτέρω καὶ μάλα εὐδοκιμεῖτον δι’ ἡμᾶσ. · "ἕπεσθαι δὲ καὶ συνοικεῖν ἐμοί, πρῶτα μὲν θρέψῃ γεννικῶσ καὶ τοὺσ ὤμουσ ἕξεισ καρτερούσ, φθόνου δὲ παντὸσ ἀλλότριοσ ἔσῃ· "καὶ οὔποτε ἄπει ἐπὶ τὴν ἀλλοδαπήν, τὴν πατρίδα, καὶ τοὺσ οἰκείουσ καταλιπών, οὐδὲ ἐπὶ λόγοισ . . ἐπαινέσονταί σε πάντεσ. "μὴ μυσαχθῇσ δὲ τοῦ σχήματοσ τὸ εὐτελὲσ μηδὲ τῆσ ἐσθῆτοσ τὸ πιναρὸν ἀπὸ γὰρ τοιούτων ὁρμώμενοσ καὶ Φειδίασ ἐκεῖνοσ ἔδειξε τὸν Δία καὶ Πολύκλειτοσ τὴν Ἥραν εἰργάσατο καὶ Μύρων ἐπῃνέθη καὶ Πραξιτέλησ ἐθαυμάσθη. "προσκυνοῦνται γοῦν οὗτοι μετὰ τῶν θεῶν. εἰ δὴ τούτων εἷσ γένοιο, πῶσ μὲν οὐ κλεινὸσ αὐτὸσ παρὰ πᾶσιν ἀνθρώποισ ἔσῃ,^ ζηλωτὸν δὲ καὶ τὸν πατέρα ἀποδείξεισ, περίβλεπτον δὲ ἀποφανεῖσ καὶ τὴν πατρίδα; "Ταῦτα καὶ ἔτι τούτων πλείονα διαπταίουσα καὶ βαρβαρίζουσα πάμπολλα εἶπεν ἡ Τέχνη, μάλα δὴ σπουδῇ συνείρουσα καὶ πείθειν με πειρωμένη· "ἀλλ’ οὐκέτι μέμνημαι· "τὰ πλεῖστα γὰρ ἤδη μου τὴν μνήμην διέφυγεν. "ἐπεὶ δ’ οὖν ἐπαύσατο, ἄρχεται ἡ ἑτέρα ὧδέ πωσ· "ἐγὼ δέ, ὦ τέκνον, Παιδεία εἰμὶ ἤδη συνήθησ σοι καὶ γνωρίμη, εἰ καὶ μηδέπω εἰσ τέλοσ μου πεπείρασαι. "ἡλίκα μὲν οὖν τὰ ἀγαθὰ ποριῇ λιθοξόοσ γενόμενοσ, αὕτη προείρηκεν· "οὐδὲν γὰρ ὅτι μὴ ἐργάτησ ἔσῃ τῷ σώματι πονῶν κἀν τούτῳ τὴν ἅπασαν ἐλπίδα τοῦ βίου τεθειμένοσ, ἀφανὴσ μὲν αὐτὸσ ὤν, ὀλίγα καὶ ἀγεννῆ λαμβάνων, ταπεινὸσ τὴν γνώμην, εὐτελὴσ δὲ τὴν πρόοδον, οὔτε φίλοισ ἐπιδικάσιμοσ οὔτε ἐχθροῖσ φοβερὸσ οὔτε τοῖσ πολίταισ ζηλωτόσ, ἀλλ’ αὐτὸ μόνον ἐργάτησ καὶ τῶν ἐκ τοῦ πολλοῦ δήμου εἷσ, ἀεὶ τὸν προὔχοντα ὑποπτήσσων καὶ τὸν λέγειν δυνάμενον θεραπεύων, λαγὼ βίον ζῶν καὶ τοῦ κρείττονοσ ἑρ́μαιον ὤν· "εἰ δὲ καὶ Φειδίασ ἢ Πολύκλειτοσ γένοιο καὶ πολλὰ θαυμαστὰ ἐξεργάσαιο. "τὴν μὲν τέχνην ἅπαντεσ ἐπαινέσονται, οὐκ ἔστι δὲ ὅστισ τῶν ἰδόντων, εἰ νοῦν ἔχοι, εὔξαιτ’ ἂν σοὶ ὅμοιοσ γενέσθαι· "οἱο͂σ γὰρ ἂν ᾖσ, βάναυσοσ καὶ χειρῶναξ καὶ ἀποχειροβίωτοσ νομισθήσῃ. ἢν δ’ ἐμοὶ πείθῃ, πρῶτον μέν σοι πολλὰ ἐπιδείξω παλαιῶν ἀνδρῶν ἔργα καὶ πράξεισ θαυμαστὰσ. καὶ λόγουσ αὐτῶν ἀπαγγελῶ, καὶ πάντων ὡσ εἰπεῖν ἔμπειρον ἀποφανῶ, καὶ τὴν ψυχήν, ὅπερ σοι κυριώτατόν ἐστι, κατακοσμήσω πολλοῖσ καὶ ἀγαθοῖσ κοσμήμασι ‐ σωφροσύνῃ, δικαιοσύνῃ, εὐσεβείᾳ, πρᾳότητι, ἐπιεικείᾳ, συνέσει, καρτερίᾳ, τῷ τῶν καλῶν ἔρωτι, τῇ πρὸσ τὰ σεμνότατα ὁρμῇ· "ταῦτα γάρ ἐστιν ὁ τῆσ ψυχῆσ ἀκήρατοσ ὡσ ἀληθῶσ κόσμοσ. "λήσει δέ σε οὔτε παλαιὸν οὐδὲν οὔτε νῦν γενέσθαι δέον, ἀλλὰ καὶ τὰ μέλλοντα προόψει μετ’ ἐμοῦ, καὶ ὅλωσ ἅπαντα ὁπόσα ἐστί, τά τε θεῖα τὰ τ’ ἀνθρώπινα, οὐκ εἰσ μακρὰν σε διδάξομαι. "καὶ ὁ νῦν πένησ ὁ τοῦ δεῖνοσ, ὁ βουλευσάμενὸσ τι περὶ ἀγεννοῦσ οὕτω τέχνησ, μετ’ ὀλίγον ἅπασι ζηλωτὸσ καὶ ἐπίφθονοσ ἔσῃ, τιμώμενοσ καὶ ἐπαινούμενοσ καὶ ἐπὶ τοῖσ ἀρίστοισ εὐδοκιμῶν καὶ ὑπὸ τῶν γένει καὶ πλούτῳ προὐχόντων ἀποβλεπόμενοσ, ἐσθῆτα μὲν τοιαύτην ἀμπεχόμενοσ," ‐ δείξασα τὴν ἑαυτῆσ·

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION