Lucian, Pro imaginibus, (no name) 27:

καίτοι· τὰ μὲν τῆσ μορφῆσ ἔτι μετριώτερα, εἰ τισ θεῷ ἐοικέναι λέγεται· ἀλλὰ τὰσ προσηγορίασ αὐτὰσ πόσοι ἐμιμήσαντο τὰσ τῶν θεῶν, Διονύσιοι καὶ Ἡφαιστίωνεσ καὶ Ζήνωνεσ καὶ Ποσειδώνιοι καὶ Ἑρμαῖ προσαγορευόμενοι; Λητὼ δὲ γυνή τισ ἐγένετο Εὐαγόρου τοῦ Κυπρίων βασιλέωσ, καὶ ὅμωσ οὐκ ἠγανάκτησεν ἡ θεὸσ δυναμένη λίθον αὐτὴν ὥσπερ τὴν Νιόβην ἀπεργάσασθαι. ἐῶ γὰρ τοὺσ Αἰγυπτίουσ, οἵπερ καὶ δεισιδαιμονέστατοὶ εἰσιν πάντων, ὅμωσ τοῖσ θείοισ ὀνόμασιν εἰσ κόρον ἐπιχρωμένουσ· σχεδὸν γοῦν τὰ πλεῖστα αὐτοῖσ ἐξ οὐρανοῦ ἐστιν.