Lucian, Pro imaginibus, (no name) 19:

(루키아노스, Pro imaginibus, (no name) 19:)

ἐκεῖνο δὲ γέ φημι, τοιαύτασ ἡμῖν τὰσ ἀφορμὰσ τῶν ἐπαινετικῶν τούτων λόγων εἶναι ὡσ χρὴ τὸν ἐπαινοῦντα καὶ εἰκόσι καὶ ὁμοιώσεσι προσχρῆσθαι, καὶ σχεδὸν ἐν τούτῳ τὸ μέγιστόν ἐστιν εὖ εἰκάσαι· τὸ δὲ εὖ ὧδε μάλιστ’ ἂν ^ κρίνοιτο, οὐκ ἤν τισ τοῖσ ὁμοίοισ παραβάλλῃ οὐδ’ ἢν πρὸσ τὸ ὑποδεέστερον ποιῆται τὴν παράθεσιν, ἀλλ’ ἢν πρὸσ τὸ ὑπερέχον ὡσ οἱο͂́ν τε προσβιβάζῃ τὸ ἐπαινούμενον. οἱο͂ν εἴ τισ κύνα ἐπαινῶν εἴποι ἀλώπεκοσ εἶναι μείζω αὐτὸν ἢ αἰλούρου, ἆρά σοι δοκεῖ ὁ τοιοῦτοσ ἐπαινεῖν εἰδέναι; οὐκ ἂν εἴποισ. ἀλλὰ μὴν οὐδ’ εἰ λύκῳ φαίη ἴσον αὐτὸν ὑπάρχειν, οὐδὲ οὕτωσ μεγαλωστὶ ἐπῄνεσεν. ἀλλὰ ποῦ τὸ ἴδιον τοῦ ἐπαίνου ἀποτελεῖται; ἢν ὁ κύων τῷ λέοντι ἐοικέναι λέγηται καὶ μέγεθοσ καὶ ἀλκήν. ὡσ ὁ τὸν Ὠρίωνοσ κύνα ἐπαινῶν ἔφη ποιητὴσ λεοντοδάμαν αὐτὸν οὗτοσ γὰρ δὴ κυνὸσ ἐντελὴσ ἔπαινοσ. καὶ πάλιν εἴ τισ Μίλωνα τὸν ἐκ Κρότωνοσ ἢ Γλαῦκον τὸν ἐκ Καρύστου ἢ Πολυδάμαντα ἐπαινέσαι θέλων ἔπειτα λέγοι ἰσχυρότερον ἕκαστον αὐτῶν γυναικὸσ γενέσθαι, οὐκ ἂν οἰεί γελασθῆναι αὐτὸν ἐπὶ τῇ ἀνοίᾳ τοῦ ἐπαίνου ; ὅπου γε καὶ εἰ ἑνὸσ ἀνδρὸσ ἔλεγεν ἀμείνω εἶναι αὐτόν, οὐδὲ τοῦτο ἀπέχρησεν ἂν εἰσ ἔπαινον. "οὐδὲ σιδάρεον Ἀλκμάνασ τέκοσ ’; ὁρᾷσ ὁποίοισ αὐτὸν θεοῖσ εἴκασε· μᾶλλον δὲ καὶ αὐτῶν ἐκείνων ἀμείνω ἀπέφαινεν. καὶ οὔτε αὐτὸσ ὁ Γλαῦκοσ ἠγανάκτησεν τοῖσ ἐφόροισ τῶν ἀθλητῶν θεοῖσ ἀντεπαινούμενοσ, οὔτε ἐκεῖνοι ἠμύναντο ἢ τὸν Γλαῦκον ἢ τὸν ποιητὴν ὡσ ἀσεβοῦντα περὶ τὸν ἔπαινον, ἀλλὰ εὐδοκίμουν ἄμφω καὶ ἐτιμῶντο ὑπὸ τῶν Ἑλλήνων, ὁ μὲν ἐπὶ τῇ ἀλκῇ, ὁ Γλαῦκοσ, ὁ δὲ ποιητὴσ ἐπί τε τοῖσ ἄλλοισ καὶ ἐπ’ αὐτῷ τούτῳ μάλιστα τῷ ᾄσματι. μὴ δὴ θαυμάσῃσ εἰ καὶ αὐτὸσ εἰκάσαι βουλόμενοσ, ὅπερ ἦν τῷ ἐπαινοῦντι ἀναγκαῖον, ὑψηλοτέρῳ ἐχρησάμην τῷ παραδείγματι, τοῦτο ὑποβαλόντοσ τοῦ λόγου.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION