Lucian, Pro imaginibus, (no name) 16:

(루키아노스, Pro imaginibus, (no name) 16:)

ἀλλὰ ἐκεῖνο ἀνιαρόν, ὦ Πολύστρατε, ὅτι μὴ ἐκείνησ παρούσησ ποιήσομαι τοὺσ λόγουσ· μακρῷ γὰρ ἂν οὕτωσ ἄμεινον ἦν. νῦν δὲ ἀνάγκη ἀπ’ ἐντολῆσ ἀπολογήσασθαι. ἀλλ’ εἴ μοι τοιοῦτοσ ἀγγελιαφόροσ γένοιο πρὸσ αὐτὴν οἱο͂σ παρ’ ἐκείνησ πρὸσ μὲ γεγένησαι, τολμήσω ἀναρρῖψαι τὸν κύβον, θάρρει, ὦ Λυκῖνε, τούτου γε ἕνεκα, ὡσ οὐ φαῦλόν με ὑποκριτὴν ἕξων τῆσ ἀπολογίασ, πειρώμενοσ διὰ βραχέων εἰπεῖν, ὡσ ἂν μᾶλλον μνημονεύσαιμι. . καὶ μὴν πάνυ μὲν ἔδει μοι μακρῶν τῶν λόγων πρὸσ οὕτω σφοδρὰν τὴν κατηγορίαν. ὅμωσ δὲ σοῦ ἕνεκα ἐπιτεμοῦμαι τὴν ἀπολογίαν. καὶ παρ’ ἐμοῦ τοίνυν τάδε αὐτῇ ἀπάγγελλε. μηδαμῶσ, ὦ Λυκῖνε, ἀλλ’ ὥσπερ αὐτῆσ ἐκείνησ παρούσησ λέγε τὸν λόγον, εἶτ’ ἐγὼ μιμήσομαί σε πρὸσ αὐτήν. οὐκοῦν ἐπειδήπερ οὕτω σοι δοκεῖ, ὦ Πολύστρατε, ἡ μὲν πάρεστι καὶ προείρηκε δηλαδὴ ἐκεῖνα ὁπόσα σὺ παρ’ αὐτῆσ ἀπήγγειλασ, ἡμᾶσ δὲ χρὴ τῶν δευτέρων λόγων ἐνάρχεσθαι. καίτοι ‐ οὐ γὰρ ὀκνήσω πρὸσ σὲ εἰπεῖν ὃ πέπονθα ‐ οὐκ οἶδ’ ὅπωσ φοβερώτερόν μοι τὸ πρᾶγμα πεποίηκασ, καὶ ὡσ ὁρᾷσ ἱδρῶ τε ἤδη καὶ δέδοικα καὶ μονονουχὶ καὶ ὁρᾶν αὐτὴν οἰόμαι, καὶ τὸ πρᾶγμα πολλήν μοι τὴν ταραχὴν ἐμπεποίηκεν. ἄρξομαι δ’ ὅμωσ· οὐ γὰρ οἱο͂́ν τε ἀναδῦναι ἤδη παρούσησ. καὶ νὴ Δία πολλὴν τὴν εὐμένειαν ἐπιφαίνει τῷ προσώπῳ· φαιδρὰ γὰρ ὡσ ὁρᾷσ καὶ προσηνήσ. ὥστε θαρρῶν λέγε τὸν λόγον.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION