Lucian, Pro imaginibus, (no name) 14:

(루키아노스, Pro imaginibus, (no name) 14:)

ὥστε τὸ ἄγαν τοῦτο καὶ ἐπίφθονον ἀφαίρει, ὦ Λυκῖνε. οὐ γὰρ πρὸσ τοῦ σοῦ τρόπου τὸ τοιοῦτον, ὃσ οὐδὲ ἄλλωσ ῥᾴδιοσ πρὸσ τοὺσ ἐπαίνουσ καὶ πρόχειροσ ὢν ἐτύγχανεσ· ἀλλὰ νῦν οὐκ οἶδ’ ὅπωσ ἀθρόαν πεποίησαι τὴν μεταβολὴν ἐπιδαψιλευόμενοσ καὶ ἐκ τοῦ τέωσ φειδομένου ἄσωτοσ ἐν τοῖσ ἐπαίνοισ ἀναπέφηνασ. ἀλλὰ μηδὲ ἐκεῖνο αἰσχυνθῇσ, εἰ μεταρρυθμιεῖσ τὸν λόγον ἤδη διαδεδομένον ἐπεὶ καὶ Φειδίαν φασὶν οὕτω ποιῆσαι, ὁπότε ἐξειργάσατο τοῖσ Ἠλείοισ τὸν Δία. στάντα γὰρ αὐτὸν κατόπιν τῶν θυρῶν, ὁπότε τὸ πρῶτον ἀναπετάσασ ἐπεδείκνυεν τὸ ἔργον, ἐπακούειν τῶν αἰτιωμένων τι ἢ ἐπαινούντων ᾐτιᾶτο δὲ ὁ μὲν τὴν ῥῖνα ὡσ παχεῖαν, ὁ δὲ ὡσ ἐπιμηκέστερον τὸ πρόσωπον, ὁ δὲ ἄλλοσ ἄλλο τι. εἶτ’ ἐπειδὴ ἀπηλλάγησαν οἱ θεαταί, αὖθισ τὸν Φειδίαν ἐγκλεισάμενον ἑαυτὸν ἐπανορθοῦν καὶ ῥυθμίζειν τὸ ἄγαλμα πρὸσ τὸ τοῖσ πλείστοισ δοκοῦν οὐ γὰρ ἡγεῖτο μικρὰν εἶναι συμβουλὴν δήμου τοσούτου, ἀλλ’ ἀεὶ ἀναγκαῖον ὑπάρχειν ^· τοὺσ πολλοὺσ περιττότερον ὁρᾶν τοῦ ἑνόσ, κἂν Φειδίασ ᾖ. ^ Ταῦτά σοι παρ’ ἐκείνησ κομίζω καὶ αὐτὸσ παραινῶ ἑταῖρόσ τε καὶ εὔνουσ ὤν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION