헬라어 문장 검색 - Λυξιαν́Νεξψομά1́0́02́

(루키아노스, Necyomantia, (no name) 2:)

ἀτάρ εἰπέ μοι, πῶσ τὰ ὑπὲρ γῆσ ἔχει καὶ τί ποιοῦσιν οἱ ἐν τῇ πόλει; καινὸν οὐδέν, ἀλλ’ οἱᾶ καὶ πρὸ τοῦ ἁρπάζουσιν, ἐπιορκοῦσιν, τοκογλυφοῦσιν, ὀβολοστατοῦσιν. ἄθλιοι καὶ κακοδαίμονεσ· οὐ γὰρ ἴσασιν οἱᾶ ἔναγχοσ κεκύρωται παρὰ τοῖσ κάτω καὶ οἱᾶ κεχειροτόνηται τὰ ψηφίσματα κατὰ τῶν πλουσίων, ἃ μὰ τὸν Κέρβερον οὐδεμία μηχανὴ τὸ διαφυγεῖν αὐτούσ. τί φήσ ; δέδοκταί τι νεώτερον τοῖσ κάτω περὶ τῶν ἐνθάδε ; νὴ Δία, καὶ πολλά γε· ἀλλ’ οὐ θέμισ ἐκφέρειν αὐτὰ πρὸσ ἅπαντασ οὐδὲ ἐξαγορεύειν τὰ ἀπόρρητα, μὴ καί τισ ἡμᾶσ γράψηται γραφὴν ἀσεβείασ ἐπὶ τοῦ Ῥαδαμάνθυοσ. μηδαμῶσ, ὦ Μένιππε, πρὸσ τοῦ Διόσ, μὴ φθονήσῃσ τῶν λόγων φίλῳ ἀνδρί· πρὸσ γὰρ εἰδότα σιωπᾶν ἐρεῖσ, τὰ τ’ ἄλλα καὶ πρὸσ μεμυημένον. χαλεπὸν μὲν ἐπιτάττεισ τὸ , ἐπίταγμα καὶ οὐ πάντῃ εὐσεβέσ πλὴν ἀλλὰ σοῦ γε ἕνεκα τολμητέον. ἔδοξε δὴ τοὺσ πλουσίουσ τούτουσ καὶ πολυχρημάτουσ καὶ τὸ χρυσίον κατάκλειστον ὥσπερ τὴν Δανάην φυλάττοντασ ‐ μὴ πρότερον εἴπῃσ, ὦγαθέ, τὰ δεδογμένα πρὶν ἐκεῖνα διελθεῖν ἃ μάλιστ’ ἂν ἡδέωσ ἀκούσαιμί σου, τίσ ἡ ἐπίνοιά σοι τῆσ καθόδου ἐγένετο, τίσ δ’ ὁ τῆσ πορείασ ἡγεμών, εἶθ’ ἑξῆσ ἅ τε εἶδεσ ἅ τε ἤκουσασ παρ’ αὐτοῖσ· εἰκὸσ γὰρ δὴ φιλόκαλον ὄντα σε μηδὲν τῶν ἀξίων θέασ ἢ ἀκοῆσ παραλιπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Necyomantia, (no name) 2:

(루키아노스, Necyomantia, (no name) 2:)

상위

목록

SEARCH

MENU NAVIGATION