Lucian, Macrobii, (no name) 19:

ὅν φασιν εἰσερχόμενον εἰσ τὴν ἐκκλησίαν καὶ προσπταίσαντα ἀναφθέγξασθαι, Τί με βοᾷσ; καὶ ὑποστρέψαντα οἴκαδε καὶ ἀποσχόμενον τροφῆσ τελευτῆσαι τὸν βίον. Κλεάνθησ δὲ ὁ Ζήνωνοσ μαθητὴσ καὶ διάδοχοσ ἐννέα καὶ ἐνενήκοντα· οὗτοσ γεγονὼσ ἔτη φῦμα ἔσχεν ἐπὶ τοῦ χείλουσ καὶ ἀποκαρτερῶν ἐπελθόντων αὐτῷ παρ’ ἑταίρων τινῶν γραμμάτων προσενεγκάμενοσ τροφὴν καὶ πράξασ περὶ ὧν ἠξίουν οἱ φίλοι, ἀποσχόμενοσ αὖθισ τροφῆσ ἐξέλιπε τὸν βίον.