Lucian, Juppiter trageodeus, (no name) 40:

(루키아노스, Juppiter trageodeus, (no name) 40:)

ἀτὰρ ἡδέωσ ἂν καὶ ἀκούσαιμι οἷστισι μάλιστα ἐπείσθησ τῶν Ὁμήρου· ἆρα οἷσ περὶ τοῦ Διὸσ λέγει, ὡσ ἐπεβούλευον συνδῆσαι αὐτὸν ἡ θυγάτηρ καὶ ὁ ἀδελφὸσ καὶ ἡ γυνή; καὶ εἴ γε μὴ τὸν Βριάρεων ἡ Θέτισ ἐκάλεσεν ἐπεπέδητο ἂν ἡμῖν ὁ βέλτιστοσ Ζεὺσ συναρπασθείσ. ἀνθ’ ὧν καὶ ἀπομνημονεύων τῇ Θέτιδι τὴν εὐεργεσίαν ἐξαπατᾷ τὸν Ἀγαμέμνονα ὄνειρόν τινα ψευδῆ ἐπιπέμψασ, ὡσ πολλοὶ τῶν Ἀχαιῶν ἀποθάνοιεν. ὁρᾷσ; ἀδύνατον γὰρ ἦν αὐτῷ κεραυνὸν ἐμβαλόντι καταφλέξαι τὸν Ἀγαμέμνονα αὐτὸν ἄνευ τοῦ ἀπατεῶνα εἶναι δοκεῖν. ἢ ἐκεῖνὰ σε μάλιστα εἰσ τὴν πίστιν ἐπεσπάσαντο, ἀκούοντα ὡσ Διομήδησ μὲν ἔτρωσε τὴν Ἀφροδίτην, εἶτα τὸν Ἄρη αὐτὸν Ἀθηνᾶσ παρακελεύσει, μετὰ μικρὸν δὲ αὐτοὶ συμπεσόντεσ οἱ θεοὶ ἐμονομάχουν ἀναμὶξ ἄρρενεσ καὶ θήλειαι, καὶ Ἀθηνᾶ μὲν Ἄρη καταγωνίζεται ἅτε καὶ προπεπονηκότα, οἶμαι, ἐκ τοῦ τραύματοσ ὃ παρὰ τοῦ Διομήδουσ εἰλήφει, Λητοῖ δ’ ἀντέστη σῶκοσ ἐριούνιοσ Ἑρμῆσ; ἢ τὰ περὶ τῆσ Ἀρτέμιδόσ σοι πιθανὰ ἔδοξεν, ὡσ ἐκείνη μεμψίμοιροσ οὖσα ἠγανάκτησεν οὐ κληθεῖσα ἐφ’ ἑστίασιν ὑπὸ τοῦ Οἰνέωσ, καὶ διὰ τοῦτο σῦν τινα ὑπερφυᾶ καὶ ἀνυπόστατον τὴν ἀλκὴν ἐπαφῆκεν ἐπὶ τὴν χώραν αὐτοῦ; ἆρ’ οὖν τὰ τοιαῦτα λέγων σε Ὅμηροσ πέπεικε;

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION