헬라어 문장 검색 - Λυξιαν́Jυππιτε

(루키아노스, Juppiter trageodeus, (no name) 15:)

ἄρξαι δ’ οὖν ποτε. ἀντὶ πολλῶν ἄν, ὦ ἄνδρεσ θεοί, χρημάτων ὑμᾶσ ἑλέσθαι νομίζω, εἰ φανερὸν γένοιτο ὑμῖν ὅ τι δή ποτε ἄρα τοῦτό ἐστιν ἐφ’ ὅτῳ νῦν συνελέγητε. ὅτε τοίνυν τοῦτο οὕτωσ ἔχει, προσήκει προθύμωσ ἀκροᾶσθαί μου λέγοντοσ. ὁ μὲν οὖν παρὼν καιρόσ, ὦ θεοί, μονονουχὶ λέγει φωνὴν ἀφιεὶσ ὅτι τῶν παρόντων ἐρρωμένωσ ἀντιληπτέον ἡμῖν ἐστιν, ἡμεῖσ δὲ πάνυ ὀλιγώρωσ ἔχειν δοκοῦμεν πρὸσ αὐτά. βούλομαι δὲ ἤδη ‐ καὶ γὰρ ἐπιλείπει ὁ Δημοσθένησ ‐ αὐτὰ ὑμῖν δηλῶσαι σαφῶσ, ἐφ’ οἷσ διαταραχθεὶσ συνήγαγον τὴν ἐκκλησίαν. χθὲσ γάρ, ὡσ ἴστε, Μνησιθέου τοῦ ναυκλήρου θύσαντοσ τὰ σωτήρια ἐπὶ τῇ νηῒ ὀλίγου δεῖν ἀπολομένῃ περὶ τὸν Καφηρέα, εἱστιώμεθα ἐν Πειραιεῖ, ὁπόσουσ ἡμῶν ὁ Μνησίθεοσ ἐπὶ τὴν θυσίαν ἐκάλεσεν εἶτα μετὰ τὰσ σπονδὰσ ὑμεῖσ μὲν ἄλλοσ ἄλλην ἐτράπεσθε, ὡσ ἑκάστῳ ἔδοξεν, ἐγὼ δὲ ‐ οὐδέπω γὰρ πάνυ ὀψὲ ἦν ‐ ἀνῆλθον ἐσ τὸ ἄστυ ὡσ περιπατήσαιμι τὸ δειλινὸν ἐν Κεραμεικῷ, ἐννοῶν ἅμα τοῦ Μνησιθέου τὴν μικρολογίαν, ὃσ ἑκκαίδεκα θεοὺσ ἑστιῶν ἀλεκτρυόνα μόνον κατέθυσε, γέροντα κἀκεῖνον ἤδη καὶ κορυξῶντα, καὶ λιβανωτοῦ χόνδρουσ τέτταρασ εὖ μάλα εὐρωτιῶντασ, ὡσ αὐτίκα ἐπισβεσθῆναι τῷ ἄνθρακι, μηδὲ ὅσον ἄκρᾳ τῇ ῥινὶ ὀσφραίνεσθαι τοῦ καπνοῦ παρασχόντασ, καὶ ταῦτα ἑκατόμβασ ὅλασ ὑποσχόμενοσ ὁπότε ἡ ναῦσ ἤδη προσεφέρετο τῷ σκοπέλῳ καὶ ἐντὸσ ἦν τῶν ἑρμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Juppiter trageodeus, (no name) 15:

(루키아노스, Juppiter trageodeus, (no name) 15:)

상위

목록

SEARCH

MENU NAVIGATION