Lucian, Juppiter confuatus, (no name) 11:

(루키아노스, Juppiter confuatus, (no name) 11:)

οὐδαμῶσ, ἀλλ’ ἡ Μοῖρα δι’ ἡμῶν ἕκαστα ἐπιτελεῖ. ἡ γοῦν Ἄτροποσ οὐκ ἀνάσχοιτ’ ἄν, εἴ τισ εἰσ τὸ ἐναντίον στρέψειε τὸν ἄτρακτον ἀναλύων τῆσ Κλωθοῦσ τὸ ἔργον. μανθάνω· ὑπηρέται καὶ διάκονοί τινεσ τῶν Μοιρῶν εἶναί φατε. πλὴν ἀλλὰ καὶ οὕτωσ ἐκεῖναι ἂν εἰε͂ν αἱ προνοοῦσαι, ὑμεῖσ δὲ ὥσπερ σκεύη τινὰ καὶ ἐργαλεῖά ἐστε αὐτῶν. πῶσ λέγεισ; ὥσπερ, οἶμαι, καὶ τὸ σκέπαρνον τῷ τέκτονι καὶ τὸ τρύπανον συνεργεῖ μέν τι πρὸσ τὴν τέχνην, οὐδεὶσ δ’ ἂν εἴποι ὡσ ταῦτα ὁ τεχνίτησ ἐστίν, οὐδ’ ἡ ναῦσ ἔργον τοῦ σκεπάρνου ἢ τοῦ τρυπάνου, ἀλλὰ τοῦ ναυπηγοῦ· ἀνάλογον τοίνυν ἡ μὲν ναυπηγουμένη ἕκαστα ἡ Εἱμαρμένη ἐστίν, ὑμεῖσ δέ, εἴπερ ἄρα, τρύπανα καὶ σκέπαρνά ἐστε τῶν Μοιρῶν· καί, ὡσ ἐοίκεν, οἱ ἄνθρωποι δέον τῇ Εἱμαρμένῃ θύειν καὶ παρ’ ἐκείνησ αἰτεῖν τἀγαθά, οἱ δ’ ἐφ’ ὑμᾶσ ἰάσι προσόδοισ καὶ θυσίαισ γεραίροντεσ· ἢ οὐδὲ τὴν Εἱμαρμένην τιμῶντεσ εἰσ δέον ἂν αὐτὸ ἔπραττον οὐ γὰρ οἶμαι δυνατὸν εἶναι οὐδὲ αὐταῖσ ἔτι ταῖσ Μοίραισ ἀλλάξαι τι καὶ μετατρέψαι τῶν ἐξ ἀρχῆσ δοξάντων περὶ ἑκάστου·

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION