헬라어 문장 검색 - Λυξιαν́Ιξαρομέ1́0́29́

(루키아노스, Icaromenippus, (no name) 29:)

πάλαι δὲ βουλόμενοσ ὑμῖν κοινώσασθαι περὶ τῶν φιλοσόφων, μάλιστα ὑπὸ τῆσ Σελήνησ καὶ ὧν ἐκείνη μέμφεται προτραπεὶσ ἔγνων μηκέτ’ ἐπὶ πλέον παρατεῖναι τὴν διάσκεψιν. "γένοσ γάρ τι ἀνθρώπων ἐστὶν οὐ πρὸ πολλοῦ τῷ βίῳ ἐπιπολάσαν ἀργὸν φιλόνεικον κενόδοξον ὀξύχολον ὑπόλιχνον ὑπόμωρον τετυφωμένον ὕβρεωσ ἀνάπλεων καὶ ἵνα καθ’ Ὅμηρον εἴπω ’ ἐτώσιον ἄχθοσ ἀρούρησ. "’ οὗτοι τοίνυν εἰσ συστήματα διαιρεθέντεσ καὶ διαφόρουσ λόγων λαβυρίνθουσ ἐπινοήσαντεσ οἱ μὲν Στωϊκοὺσ ὠνομάκασιν ἑαυτούσ, οἱ δὲ Ἀκαδημαϊκούσ, οἱ δὲ Ἐπικουρείουσ, οἱ δὲ Περιπατητικοὺσ καὶ ἄλλα πολλῷ γελοιότερα τούτων ἔπειτα δὲ ὄνομα σεμνὸν τὴν ἀρετὴν περιθέμενοι καὶ τὰσ ὀφρῦσ ἐπάραντεσ καὶ τὰ μέτωπα ῥυτιδώσαντεσ καὶ τοὺσ πώγωνασ ἐπισπασάμενοι περιέρχονται ἐπιπλάστῳ σχήματι κατάπτυστα ἤθη περιστέλλοντεσ, ἐμφερεῖσ μάλιστα τοῖσ τραγικοῖσ ἐκείνοισ ὑποκριταῖσ, ὧν ἢν ἀφέλῃ τισ τὰ προσωπεῖα καὶ τὴν χρυσόπαστον ἐκείνην στολήν, τὸ καταλειπόμενόν ἐστι γελοῖον ἀνθρώπιον ἑπτὰ δραχμῶν ἐσ τὸν ἀγῶνα μεμισθωμένον. "τοιοῦτοι δὲ ὄντεσ ἀνθρώπων μὲν ἁπάντων καταφρονοῦσι, περὶ θεῶν δὲ ἀλλόκοτα διεξέρχονται· "καὶ συνάγοντεσ εὐεξαπάτητα μειράκια τήν τε πολυθρύλητον ἀρετὴν τραγῳδοῦσι καὶ τὰσ τῶν λόγων ἀπορίασ ἐκδιδάσκουσι, καὶ πρὸσ μὲν τοὺσ μαθητὰσ καρτερίαν ἀεὶ καὶ σωφροσύνην καὶ τὸ αὐταρκὲσ ^ ἐπαινοῦσι καὶ πλούτου καὶ ἡδονῆσ καταπτύουσι, μόνοι δὲ καὶ καθ’ ἑαυτοὺσ γενόμενοι τί ἂν λέγοι τισ ὅσα μὲν ἐσθίουσιν, ὅσα δὲ ἀφροδισιάζουσιν, ὅπωσ δὲ περιλείχουσι τῶν ὀβολῶν τὸν ῥύπον; "τὸ δὲ πάντων δεινότατον, ὅτι μηδὲν αὐτοὶ μήτε κοινὸν μήτε ἴδιον ἐπιτελοῦντεσ, ἀλλ’ ἀχρεῖοι καὶ περιττοὶ καθεστῶτεσ οὔτε ποτ’ ἐν πολέμῳ ἐναρίθμιοι οὔτ’ ἐνὶ βουλῇ, ὅμωσ τῶν ἄλλων κατηγοροῦσι καὶ λόγουσ τινὰσ πικροὺσ συμφορήσαντεσ καὶ λοιδορίασ καινὰσ ἐκμεμελετηκότεσ ἐπιτιμῶσι καὶ ὀνειδίζουσι τοῖσ πλησίον, καὶ οὗτοσ αὐτῶν τὰ πρῶτα φέρεσθαι δοκεῖ ὃσ ἂν μεγαλοφωνότατόσ τε ᾖ καὶ ἰταμώτατοσ καὶ πρὸσ τὰσ βλασφημίασ θρασύτατοσ. "καίτοι τὸν διατεινόμενον αὐτὸν καὶ βοῶντα καὶ κατηγοροῦντα τῶν ἄλλων ἢν ἔρῃ, ’ σὺ δὲ δὴ τί πράττων τυγχάνεισ ἢ τί φῶμεν πρὸσ θεῶν σε πρὸσ τὸν βίον συντελεῖν; "’ φαίη ἄν, εἰ τὰ δίκαια καὶ ἀληθῆ θέλοι λέγειν, ὅτι ’ πλεῖν μὲν ἢ γεωργεῖν ἢ στρατεύεσθαι ἤ τινα τέχνην μετιέναι περιττὸν εἶναί μοι δοκεῖ, κέκραγα δὲ καὶ αὐχμῶ καὶ ψυχρολουτῶ καὶ ἀνυπόδητοσ τοῦ χειμῶνοσ περιέρχομαι καὶ τρίβωνα ῥυπαρὸν περιβέβλημαι καὶ ὥσπερ ὁ ‐ Μῶμοσ τὰ ὑπὸ τῶν ἄλλων γιγνόμενα συκοφαντῶ, καὶ εἰ μέν τισ ὠψώνηκε τῶν πλουσίων πολυτελῶσ ἢ ἑταίραν ἔχει, τοῦτο πολυπραγμονῶ καὶ ἀγανακτῶ, εἰ δὲ τῶν φίλων τισ ἢ ἑταίρων κατάκειται νοσῶν ἐπικουρίασ τε καὶ θεραπείασ δεόμενοσ, ἀγνοῶ. ’ Τοιαῦτα μέν ἐστιν ὑμῖν, ὦ θεοί, ταῦτα τὰ θρέμματα. "οἱ δὲ δὴ Ἐπικούρειοι αὐτῶν λεγόμενοι μάλα δὴ καὶ ὑβρισταί εἰσι καὶ οὐ μετρίωσ ἡμῶν καθάπτονται μήτε ἐπιμελεῖσθαι τῶν ἀνθρωπίνων λέγοντεσ τοὺσ θεοὺσ μήτε ὅλωσ τὰ γιγνόμενα ἐπισκοπεῖν ὥστε ὡρ́α ὑμῖν λογίζεσθαι διότι ἢν ἅπαξ οὗτοι πεῖσαι τὸν βίον δυνηθῶσιν, οὐ μετρίωσ πεινήσετε. "τίσ γὰρ ἂν ἔτι θύσειεν ὑμῖν πλέον οὐδὲν ἕξειν προσδοκῶν; "ἃ μὲν γὰρ ἡ Σελήνη αἰτιᾶται, πάντεσ ἠκούσατε τοῦ ξένου χθὲσ διηγουμένου. "πρὸσ ταῦτα βουλεύεσθε ἃ καὶ τοῖσ ἀνθρώποισ γένοιτ’ ἂν ὠφελιμώτατα καὶ ἡμῖν ἀσφαλέστατα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Icaromenippus, (no name) 29:

(루키아노스, Icaromenippus, (no name) 29:)

상위

목록

SEARCH

MENU NAVIGATION