헬라어 문장 검색 - Λυξιαν́Ιξαρομέ1́0́24́

(루키아노스, Icaromenippus, (no name) 24:)

μεταξύ τε προϊὼν ἀνέκρινέ με περὶ τῶν ἐν τῇ γῇ πραγμάτων, τὰ πρῶτα μὲν ἐκεῖνα, πόσου νῦν ὁ πυρόσ ἐστιν ὤνιοσ ἐπὶ τῆσ Ἑλλάδοσ, καὶ εἰ σφόδρα ὑμῶν ὁ πέρυσι χειμὼν καθίκετο, καὶ εἰ τὰ λάχανα δεῖται πλείονοσ ἐπομβρίασ. μετὰ δὲ ἠρώτα εἴ τισ ἔτι λείπεται τῶν ἀπὸ Φειδίου καὶ δι’ ἣν αἰτίαν ἐλλείποιεν Ἀθηναῖοι τὰ Διάσια τοσούτων ἐτῶν, καὶ εἰ τὸ Ὀλυμπίειον ^ αὐτῷ ^ ἐπιτελέσαι διανοοῦνται, καὶ εἰ συνελήφθησαν οἱ τὸν ἐν Δωδώνῃ νεὼν σεσυληκότεσ. "περὶ δὲ ἐμοῦ οἱ ἄνθρωποι τίνα γνώμην ἔχουσι; "δέσποτα, ἢ τὴν εὐσεβεστάτην, βασιλέα σε πάντων εἶναι θεῶν; ἔφη· "τὸ δὲ φιλόκαινον αὐτῶν ἀκριβῶσ οἶδα, κἂν μὴ λέγῃσ. ἦν γάρ ποτε χρόνοσ, ὅτε καὶ μάντισ ἐδόκουν αὐτοῖσ καὶ ἰατρὸσ καὶ πάντα ὅλωσ ἦν ἐγώ, μεσταὶ δὲ Διὸσ πᾶσαι μὲν ἀγυιαί, πᾶσαι δὲ ἀνθρώπων ἀγοραί· "καὶ ἡ Δωδώνη τότε καὶ ἡ Πῖσα λαμπραὶ καὶ περίβλεπτοι πᾶσιν ἦσαν, ὑπὸ δὲ τοῦ καπνοῦ τῶν θυσιῶν οὐδὲ ἀναβλέπειν μοι δυνατὸν ἐξ οὗ δὲ ἐν Δελφοῖσ μὲν Ἀπόλλων τὸ μαντεῖον κατεστήσατο, ἐν Περγάμῳ δὲ τὸ ἰατρεῖον ὁ Ἀσκληπιὸσ καὶ τὸ Βενδίδειον ἐγένετο ἐν Θρᾴκῃ καὶ τὸ Ἀνουβίδειον ἐν Αἰγύπτῳ καὶ τὸ Ἀρτεμίσιον ἐν Ἐφέσῳ, ἐπὶ ταῦτα μὲν ἅπαντεσ θέουσι καὶ πανηγύρεισ ἀνάγουσι καὶ ἑκατόμβασ παριστᾶσι καὶ χρυσᾶσ πλίνθουσ ἀνατιθέασιν ἐμὲ δὲ παρηβηκότα ἱκανῶσ τετιμηκέναι νομίζουσιν, ἂν διὰ πέντε ὅλων ἐτῶν θύσωσιν ἐν Ὀλυμπίᾳ. τοιγαροῦν ψυχροτέρουσ ἄν μου τοὺσ βωμοὺσ ἴδοισ τῶν Πλάτωνοσ νόμων ἢ τῶν Χρυσίππου συλλογισμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Icaromenippus, (no name) 24:

(루키아노스, Icaromenippus, (no name) 24:)

상위

목록

SEARCH

MENU NAVIGATION