헬라어 문장 검색 - Λυξιαν́Ιξαρομέ1́0́15́

(루키아노스, Icaromenippus, (no name) 15:)

κἀπειδὴ τάχιστα ἐπτερυξάμην, αὐτίκα φῶσ με πάμπολυ περιέλαμψε καὶ τὰ τέωσ λανθάνοντα πάντα διεφαίνετο· κατακύψασ γοῦν ἐσ τὴν γῆν ἑώρων σαφῶσ τὰσ πόλεισ, τοὺσ ἀνθρώπουσ, τὰ γιγνόμενα, καὶ οὐ τὰ ἐν ὑπαίθρῳ μόνον, ἀλλὰ καὶ ὁπόσα οἴκοι ἔπραττον οἰόμενοι λανθάνειν, Πτολεμαῖον μὲν συνόντα τῇ ἀδελφῇ, Λυσιμάχῳ δὲ τὸν υἱὸν ἐπιβουλεύοντα, τὸν Σελεύκου δὲ Ἀντίοχον Στρατονίκῃ διανεύοντα λάθρα τῇ μητρυιᾷ, τὸν δὲ Θετταλὸν Ἀλέξανδρον ὑπὸ τῆσ γυναικὸσ ἀναιρούμενον καὶ Ἀντίγονον μοιχεύοντα τοῦ υἱοῦ τὴν γυναῖκα καὶ Ἀττάλῳ τὸν υἱὸν ἐγχέοντα τὸ φάρμακον, ἑτέρωθι δ’ αὖ Ἀρσάκην φονεύοντα τὸ γύναιον καὶ τὸν εὐνοῦχον Ἀρβάκην ἕλκοντα τὸ ξίφοσ ἐπὶ τὸν Ἀρσάκην, Σπατῖνοσ δ’ ὁ Μῆδοσ ἐκ τοῦ συμποσίου πρὸσ τῶν δορυφορούντων εἵλκετο ἔξω τοῦ ποδὸσ σκύφῳ χρυσῷ τὴν ὀφρὺν κατηλοημένοσ. ὅμοια δὲ τούτοισ ἔν τε Λιβύῃ καὶ παρὰ Σκύθαισ καὶ Θρᾳξὶ γινόμενα ἐν τοῖσ βασιλείοισ ἦν ὁρᾶν, μοιχεύοντασ, φονεύοντασ, ἐπιβουλεύοντασ, ἁρπάζοντασ, ἐπιορκοῦντασ, δεδιότασ, ὑπὸ τῶν οἰκειοτάτων προδιδομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Icaromenippus, (no name) 15:

(루키아노스, Icaromenippus, (no name) 15:)

상위

목록

SEARCH

MENU NAVIGATION