Lucian, Icaromenippus, (no name) 12:

(루키아노스, Icaromenippus, (no name) 12:)

καὶ πρῶτὸν γέ μοι πάνυ μικρὰν δόκει τινὰ τὴν γῆν ὁρᾶν, πολὺ λέγω τῆσ σελήνησ βραχυτέραν, ὥστε ἐγὼ ἄφνω κατακύψασ ἐπὶ πολὺ ἠπόρουν ποῦ εἰή τὰ τηλικαῦτα ὄρη καὶ ἡ τοσαύτη θάλαττα· καὶ εἴ γε μὴ τὸν Ῥοδίων κολοσσὸν ἐθεασάμην καὶ τὸν ἐπὶ τῇ Φάρῳ πύργον, εὖ ἴσθι, παντελῶσ ἄν με ἡ γῆ διέλαθε. νῦν δὲ ταῦτα ὑψηλὰ ὄντα καὶ ὑπερανεστηκότα καὶ ὁ Ὠκεανὸσ ἠρέμα πρὸσ τὸν ἥλιον ὑποστίλβων διεσήμαινέ μοι γῆν εἶναι τὸ ὁρώμενον. ἐπεὶ δὲ ἅπαξ τὴν ὄψιν ἐσ τὸ ἀτενὲσ ἀπηρεισάμην, ἅπασ ὁ τῶν ἀνθρώπων βίοσ ἤδη κατεφαίνετο, οὐ κατὰ ἔθνη μόνον καὶ πόλεισ, ἀλλὰ καὶ αὐτοὶ σαφῶσ οἱ πλέοντεσ, οἱ πολεμοῦντεσ, οἱ γεωργοῦντεσ, οἱ δικαζόμενοι, τὰ γύναια, τὰ θηρία, καὶ πάνθ’ ἁπλῶσ ὁπόσα τρέφει ζείδωροσ ἄρουρα. παντελῶσ ἀπίθανα φὴσ ταῦτα καὶ αὑτοῖσ ὑπεναντία· ὃσ γὰρ ἀρτίωσ, ὦ Μένιππε, τὴν γῆν ἐζήτεισ ὑπὸ τοῦ μεταξὺ διαστήματοσ ἐσ βραχὺ συνεσταλμένην, καὶ εἴ γε μὴ ὁ κολοσσὸσ ἐμήνυσέ σοι, τάχα ἂν ἄλλο τι ᾠήθησ ὁρᾶν, πῶσ νῦν καθάπερ Λυγκεύσ τισ ἄφνω γενόμενοσ ἅπαντα διαγινώσκεισ τὰ ἐπὶ γῆσ, τοὺσ ἀνθρώπουσ, τὰ θηρία, μικροῦ δεῖν τὰσ τῶν ἐμπίδων νεοττιάσ;

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION