Lucian, Icaromenippus, (no name) 3:

(루키아노스, Icaromenippus, (no name) 3:)

εἶτα, ὦ τολμηρότατε πάντων, οὐκ ἐδεδοίκεισ μὴ καὶ σύ που τῆσ θαλάττησ καταπεσὼν Μενίππειὸν τι πέλαγοσ ἡμῖν ὥσπερ τὸ Ἰκάριον ἀποδείξῃσ ἐπὶ τῷ σεαυτοῦ ὀνόματι; οὐδαμῶσ· ὁ μὲν γὰρ Ἴκαροσ ἅτε κηρῷ τὴν πτέρωσιν ἡρμοσμένοσ, ἐπειδὴ τάχιστα πρὸσ τὸν ἥλιον ἐκεῖνοσ ἐτάκη, πτερορρυήσασ εἰκότωσ κατέπεσεν ἡμῖν δ’ ἀκήρωτα ἦν τὰ ὠκύπτερα, πῶσ λέγεισ ; ἤδη γὰρ οὐκ οἶδ’ ὅπωσ ἠρέμα με προσάγεισ πρὸσ τὴν ἀλήθειαν τῆσ διηγήσεωσ. ^ Ὧδέ πωσ· ἀετὸν εὐμεγέθη συλλαβών, ἔτι δὲ γῦπα τῶν καρτερῶν, ἀποτεμὼν αὐταῖσ ὠλέναισ τὰ πτερὰ ‐ μᾶλλον δὲ καὶ πᾶσαν ἐξ ἀρχῆσ τὴν ἐπίνοιαν, εἴ σοι σχολή, δίειμι. πάνυ μὲν οὖν ὡσ ἐγώ σοι μετέωρόσ εἰμι ὑπὸ τῶν λόγων καὶ πρὸσ τὸ τέλοσ ἤδη κέχηνα τῆσ ἀκροάσεωσ· μηδὲ πρὸσ Φιλίου με περιίδῃσ ἄνω που τῆσ διηγήσεωσ ἐκ τῶν ὤτων ἀπηρτημένον.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION