헬라어 문장 검색 - Λυξιαν́Ιξαρομέ1́0́02́

(루키아노스, Icaromenippus, (no name) 2:)

ὄνειρον γάρ, ὦ τάν, δοκῶ σοι λέγειν ὃσ ἀρτίωσ ἀφῖγμαι παρὰ τοῦ Διόσ,· πῶσ ἔφησθα; Μένιπποσ ἡμῖν διοπετὴσ πάρεστιν ἐξ οὐρανοῦ; καὶ μὴν ἐγώ σοι παρ’ αὐτοῦ ἐκείνου τοῦ πάνυ Διὸσ ἥκω τήμερον θαυμάσια καὶ ἀκούσασ καὶ ἰδών· εἰ δὲ ἀπιστεῖσ, καὶ αὐτὸ τοῦτο ὑπερευφραίνομαι τὸ πέρα πίστεωσ εὐτυχεῖν. καὶ πῶσ ἂν ἔγωγε, ὦ θεσπέσιε καὶ Ὀλύμπιε Μένιππε, γεννητὸσ αὐτὸσ καὶ ἐπίγειοσ ὢν ἀπιστεῖν δυναίμην ὑπερνεφέλῳ ἀνδρὶ καὶ ἵνα καθ’ Ὅμηρον εἴπω τῶν Οὐρανιώνων ἑνί; ἀλλ’ ἐκεῖνά μοι φράσον, εἰ δοκεῖ, τίνα τρόπον ἤρθησ ἄνω καὶ ὁπόθεν ἐπορίσω κλίμακα τηλικαύτην τὸ μέγεθοσ; τὰ μὲν γὰρ ἀμφὶ τὴν ὄψιν οὐ πάνυ ἐοίκασ ἐκείνῳ τῷ Φρυγί, ὥστε ἡμᾶσ ^ εἰκάζειν καὶ σὲ οἰνοχοήσοντά που ἀνάρπαστον γεγονέναι πρὸσ τοῦ ἀετοῦ. σὺ μὲν πάλαι σκώπτων δῆλοσ εἶ, καὶ θαυμαστὸν οὐδὲν εἴ σοι τὸ παράδοξον τοῦ λόγου μύθῳ δοκεῖ προσφερέσ. ἀτὰρ οὐδὲν ἐδέησέ μοι πρὸσ τὴν ἄνοδον οὔτε τῆσ κλίμακοσ οὔτε παιδικὰ γενέσθαι τοῦ ἀετοῦ· οἰκεῖα γὰρ ἦν μοι τὰ πτερά. τοῦτο μὲν ἤδη καὶ ὑπὲρ τὸν Δαίδαλον ἔφησθα, εἴ γε πρὸσ τοῖσ ἄλλοισ ἐλελήθεισ ἡμᾶσ ἱέραξ τισ ἢ κολοιὸσ ἐξ ἀνθρώπου γενόμενοσ. ὀρθῶσ, ὦ ἑταῖρε, καὶ οὐκ ἀπὸ σκοποῦ εἴκασασ· τὸ Δαιδάλειον γὰρ ἐκεῖνο σόφισμα τῶν πτερῶν καὶ αὐτὸσ ἐμηχανησάμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Icaromenippus, (no name) 2:

(루키아노스, Icaromenippus, (no name) 2:)

상위

목록

SEARCH

MENU NAVIGATION