Lucian, Icaromenippus, (no name) 2:

(루키아노스, Icaromenippus, (no name) 2:)

ὄνειρον γάρ, ὦ τάν, δοκῶ σοι λέγειν ὃσ ἀρτίωσ ἀφῖγμαι παρὰ τοῦ Διόσ,· πῶσ ἔφησθα; Μένιπποσ ἡμῖν διοπετὴσ πάρεστιν ἐξ οὐρανοῦ; καὶ μὴν ἐγώ σοι παρ’ αὐτοῦ ἐκείνου τοῦ πάνυ Διὸσ ἥκω τήμερον θαυμάσια καὶ ἀκούσασ καὶ ἰδών· εἰ δὲ ἀπιστεῖσ, καὶ αὐτὸ τοῦτο ὑπερευφραίνομαι τὸ πέρα πίστεωσ εὐτυχεῖν. καὶ πῶσ ἂν ἔγωγε, ὦ θεσπέσιε καὶ Ὀλύμπιε Μένιππε, γεννητὸσ αὐτὸσ καὶ ἐπίγειοσ ὢν ἀπιστεῖν δυναίμην ὑπερνεφέλῳ ἀνδρὶ καὶ ἵνα καθ’ Ὅμηρον εἴπω τῶν Οὐρανιώνων ἑνί; ἀλλ’ ἐκεῖνά μοι φράσον, εἰ δοκεῖ, τίνα τρόπον ἤρθησ ἄνω καὶ ὁπόθεν ἐπορίσω κλίμακα τηλικαύτην τὸ μέγεθοσ; τὰ μὲν γὰρ ἀμφὶ τὴν ὄψιν οὐ πάνυ ἐοίκασ ἐκείνῳ τῷ Φρυγί, ὥστε ἡμᾶσ ^ εἰκάζειν καὶ σὲ οἰνοχοήσοντά που ἀνάρπαστον γεγονέναι πρὸσ τοῦ ἀετοῦ. σὺ μὲν πάλαι σκώπτων δῆλοσ εἶ, καὶ θαυμαστὸν οὐδὲν εἴ σοι τὸ παράδοξον τοῦ λόγου μύθῳ δοκεῖ προσφερέσ. ἀτὰρ οὐδὲν ἐδέησέ μοι πρὸσ τὴν ἄνοδον οὔτε τῆσ κλίμακοσ οὔτε παιδικὰ γενέσθαι τοῦ ἀετοῦ· οἰκεῖα γὰρ ἦν μοι τὰ πτερά. τοῦτο μὲν ἤδη καὶ ὑπὲρ τὸν Δαίδαλον ἔφησθα, εἴ γε πρὸσ τοῖσ ἄλλοισ ἐλελήθεισ ἡμᾶσ ἱέραξ τισ ἢ κολοιὸσ ἐξ ἀνθρώπου γενόμενοσ. ὀρθῶσ, ὦ ἑταῖρε, καὶ οὐκ ἀπὸ σκοποῦ εἴκασασ· τὸ Δαιδάλειον γὰρ ἐκεῖνο σόφισμα τῶν πτερῶν καὶ αὐτὸσ ἐμηχανησάμην.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION