헬라어 문장 검색 - Λυξιαν́Ηιππιασ́1́

(루키아노스, (no name))

τῶν σοφῶν ἐκείνουσ μάλιστα ἔγωγέ φημι δεῖν ἐπαινεῖν, ὁπόσοι μὴ λόγουσ μόνον δεξιοὺσ παρέσχοντο ὑπὲρ τῶν πραγμάτων ἑκάστων, ἀλλὰ καὶ ἔργοισ ὁμοίοισ τὰσ τῶν λόγων ὑποσχέσεισ ἐπιστώσαντο. καὶ γὰρ τῶν ἰατρῶν ὅ γε νοῦν ἔχων οὐ τοὺσ ἄριστα ὑπὲρ τῆσ τέχνησ εἰπεῖν δυναμένουσ μεταστέλλεται νοσῶν, ἀλλὰ τοὺσ πρᾶξαί τι κατ’ αὐτὴν μεμελετηκότασ. ἀμείνων δὲ καὶ μουσικόσ, οἶμαι, τοῦ διακρίνειν ῥυθμοὺσ καὶ ἁρμονίασ ἐπισταμένου ὁ καὶ ψᾶλαι καὶ κιθαρίσαι αὐτὸσ δυνάμενοσ. τί γὰρ ἄν σοι τῶν στρατηγῶν λέγοιμι τοὺσ εἰκότωσ ἀρίστουσ κριθέντασ, ὅτι οὐ τάττειν μόνον καὶ παραινεῖν ἦσαν ἀγαθοί, ἀλλὰ καὶ προμάχεσθαι τῶν ἄλλων καὶ χειρὸσ ἔργα ἐπιδείκνυσθαι; οἱο͂ν πάλαι μὲν Ἀγαμέμνονα καὶ Ἀχιλλέα, τῶν κάτω δὲ τὸν Ἀλέξανδρον καὶ Πύρρον ἴσμεν γεγονότασ. πρὸσ δὴ τί ταῦτ’ ἔφην;

οὐ γὰρ ἄλλωσ ἱστορίαν ἐπιδείκνυσθαι βουλόμενοσ ἐπεμνήσθην αὐτῶν, ἀλλ’ ὅτι καὶ τῶν μηχανικῶν ἐκείνουσ ἄξιον θαυμάζειν, ὁπόσοι ἐν τῇ θεωρίᾳ λαμπροὶ γενόμενοι καὶ μνημόσυνα ὅμωσ τῆσ τέχνησ καὶ παραδείγματα τοῖσ μετ’ αὐτοὺσ κατέλιπον· ἐπεὶ οἵ γε τοῖσ λόγοισ μόνοισ ἐγγεγυμνασμένοι σοφισταὶ ἂν εἰκότωσ μᾶλλον ἢ σοφοὶ καλοῖντο. τοιοῦτον ἀκούομεν τὸν Ἀρχιμήδη γενέσθαι καὶ τὸν Κνίδιον Σώστρατον, τὸν μὲν Πτολεμαίῳ χειρωσάμενον τὴν Μέμφιν ἄνευ πολιορκίασ ἀποστροφῇ καὶ διαιρέσει τοῦ ποταμοῦ, τὸν δὲ τὰσ τῶν πολεμίων τριήρεισ καταφλέξαντα τῇ τέχνῃ. καὶ Θαλῆσ δὲ ὁ Μιλήσιοσ πρὸ αὐτῶν ὑποσχόμενοσ Κροίσῳ ἄβροχον διαβιβάσειν τὸν στρατὸν ἐπινοίᾳ κατόπιν τοῦ στρατοπέδου μιᾷ νυκτὶ τὸν Ἅλυν περιήγαγεν, οὐ μηχανικὸσ οὗτοσ γενόμενοσ, σοφὸσ δὲ καὶ ἐπινοῆσαι καὶ συνεῖναι πιθανώτατοσ. τὸ μὲν γὰρ τοῦ Ἐπειοῦ πάνυ ἀρχαῖον, ὃσ οὐ μόνον τεχνήσασθαι τοῖσ Ἀχαιοῖσ τὸν ἵππον, ἀλλὰ καὶ συγκαταβῆναι αὐτοῖσ ἐσ αὐτὸν λέγεται. .

ἐν δὴ τούτοισ καὶ Ἱππίου τουτουὶ τοῦ καθ’ ἡμᾶσ μεμνῆσθαι ἄξιον, ἀνδρὸσ λόγοισ μὲν παρ’ ὅντινα βούλει τῶν πρὸ αὐτοῦ γεγυμνασμένου καὶ συνεῖναί τε ὀξέοσ καὶ ἑρμηνεῦσαι σαφεστάτου, τὰ δὲ ἔργα πολὺ τῶν λόγων ἀμείνω παρεχομένου καὶ τὴν τῆσ τέχνησ ὑπόσχεσιν ἀποπληροῦντοσ, οὐκ ἐν τοιαύταισ μὲν ὑποθέσεσιν ἐν αἷσ οἱ πρὸ αὐτοῦ πρῶτοι γενέσθαι εὐτύχησαν, κατὰ δὲ τὸν γεωμετρικὸν λόγον ἐπὶ τῆσ δοθείσησ, φασίν, εὐθείασ τὸ τρίγωνον ἀκριβῶσ συνισταμένου. καίτοι τῶν γε ἄλλων ἕκαστοσ ἕν τι τῆσ ἐπιστήμησ ἔργον ἀποτεμόμενοσ ἐν ἐκείνῳ εὐδοκιμήσασ εἶναί τισ ὅμωσ ἔδοξεν, ὁ δὲ μηχανικῶν τε ὢν τὰ πρῶτα καὶ γεωμετρικῶν, ἔτι δὲ ἁρμονικῶν καὶ μουσικῶν φαίνεται, καὶ ὅμωσ ἕκαστον τούτων οὕτωσ ἐντελῶσ δείκνυσιν ὡσ ἓν αὐτὸ μόνον ἐπιστάμενοσ. τὴν μὲν γὰρ περὶ ἀκτίνων καὶ ἀνακλάσεων καὶ κατόπτρων θεωρίαν, ἔτι δὲ ἀστρονομίαν, ἐν ᾗ παῖδασ τοὺσ πρὸ αὐτοῦ ἀπέφηνεν, οὐκ ὀλίγου χρόνου ἂν εἰή ἐπαινεῖν. ἃ δὲ ἔναγχοσ ἰδὼν αὐτοῦ τῶν ἔργων κατεπλάγην, οὐκ ὀκνήσω εἰπεῖν·

κοινὴ μὲν γὰρ ἡ ὑπόθεσισ κἀν τῷ καθ’ ἡμᾶσ βίῳ πάνυ πολλή, βαλανείου κατασκευή· ἡ ^ περίνοια δὲ καὶ ἐν τῷ κοινῷ τούτῳ σύνεσισ θαυμαστή. τόποσ μὲν ἦν οὐκ; ἐπίπεδοσ, ἀλλὰ πάνυ προσάντησ καὶ ὄρθιοσ, ὃν παραλαβὼν κατὰ θάτερα εἰσ ὑπερβολὴν ταπεινόν, ἰσόπεδον θάτερον θατέρῳ ἀπέφηνεν, κρηπῖδα μὲν βεβαιοτάτην ἅπαντι τῷ ἔργῳ βαλόμενοσ καὶ θεμελίων θέσει τὴν τῶν ἐπιτιθεμένων ἀσφάλειαν ἐμπεδωσάμενοσ, ὕψεσι δὲ πάνυ ἀποτόμοισ καὶ πρὸσ ἀσφάλειαν συνεχομένοισ τὸ ὅλον κρατυνάμενοσ· τὰ δὲ ἐποικοδομηθέντα τῷ τε τοῦ τόπου μεγέθει σύμμετρα καὶ τῷ εὐλόγῳ τῆσ κατασκευῆσ ἁρμοδιώτατα καὶ τὸν τῶν φώτων λόγον φυλάττοντα. πυλὼν μὲν ὑψηλὸσ ἀναβάσεισ πλατείασ ἔχων, ὑπτίασ μᾶλλον ἢ ὀρθίασ πρὸσ τὴν τῶν ἀνιόντων εὐμάρειαν εἰσιόντα δὲ τοῦτον ἐκδέχεται κοινὸσ οἶκοσ εὐμεγέθησ, ἱκανὴν ἔχων ὑπηρέταισ καὶ ἀκολούθοισ διατριβήν, ἐν ἀριστερᾷ δὲ τὰ ἐσ τρυφὴν παρεσκευασμένα οἰκήματα βαλανείῳ δ’ οὖν καὶ ταῦτα πρεπωδέστατα, χαρίεσσαι καὶ φωτὶ πολλῷ καταλαμπόμεναι ὑποχωρήσεισ.

εἶτ’ ἐχόμενοσ αὐτῶν οἶκοσ, περιττὸσ μὲν ὡσ πρὸσ τὸ λουτρόν, ἀναγκαῖοσ δὲ ὡσ πρὸσ τὴν τῶν εὐδαιμονεστέρων ὑποδοχήν. μετὰ δὲ τοῦτον ἑκατέρωθεν διαρκεῖσ τοῖσ ’ ἀποδυομένοισ ἀποθέσεισ, καὶ μέσοσ οἶκοσ ὕψει τε ὑψηλότατοσ καὶ φωτὶ φαιδρότατοσ, ψυχροῦ ὕδατοσ ἔχων τρεῖσ κολυμβήθρασ, Λακαίνῃ λίθῳ κεκοσμημένοσ, καὶ εἰκόνεσ ἐν αὐτῷ λίθου λευκοῦ τῆσ ἀρχαίασ ἐργασίασ, ἡ μὲν Ὑγιείασ, ἡ δὲ Ἀσκληπιοῦ. ἐξελθόντασ δὲ ὑποδέχεται ἠρέμα χλιαινόμενοσ οἶκοσ οὐκ ἀπηνεῖ τῇ θέρμῃ προαπαντῶν, ἐπιμήκησ, ἀμφιστρόγγυλοσ, μεθ’ ὃν ἐν δεξιᾷ οἶκοσ εὖ μάλα φαιδρόσ, ἀλείψασθαι προσηνῶσ παρεχόμενοσ, ἑκατέρωθεν εἰσόδουσ ἔχων Φρυγίῳ λίθῳ κεκαλλωπισμένασ, τοὺσ ἀπὸ παλαίστρασ εἰσιόντασ δεχόμενοσ.

εἶτ’ ἐπὶ τούτῳ ἄλλοσ οἶκοσ οἴκων ἁπάντων κάλλιστοσ, στῆναί τε καὶ ἐγκαθίζεσθαι προσηνέστατοσ καὶ ἐμβραδῦναι ἀβλαβέστατοσ καὶ ἐγκυλίσασθαι ὠφελιμώτατοσ, Φρυγίου καὶ αὐτὸσ εἰσ ὀροφὴν ἄκραν ἀποστίλβων. ἑξῆσ δὲ ὁ θερμὸσ ὑποδέχεται διάδρομοσ Νομάδι λίθῳ διακεκολλημένοσ. ὁ δὲ ἔνδον οἶκοσ κάλλιστοσ, φωτὸσ τε πολλοῦ ἀνάμεστοσ καὶ ὡσ πορφύρᾳ διηνθισμένοσ. τρεῖσ καὶ οὗτοσ θερμὰσ πυέλουσ παρέχεται. λουσαμένῳ δὲ ἔνεστί σοι μὴ τὴν διὰ τῶν αὐτῶν οἴκων αὖθισ ἐπανιέναι, ἀλλὰ ταχεῖαν τὴν ἐπὶ τὸ ψυχρὸν δι’ ἠρέμα θερμοῦ οἰκήματοσ, καὶ ταῦτα πάντα ὑπὸ φωτὶ μεγάλῳ καὶ πολλῇ τῇ ἔνδον ἡμέρᾳ.

ὕψη πρὸσ τούτοισ ἀνάλογα καὶ πλάτη τοῖσ μήκεσι σύμμετρα καὶ πανταχοῦ πολλὴ χάρισ καὶ Ἀφροδίτη ἐπανθεῖ· κατὰ γὰρ τὸν καλὸν Πίνδαρον, ἀρχομένου ἔργου πρόσωπον χρὴ θέμεν τηλαυγέσ. τοῦτο δ’ ἂν εἰή ἐκ τῆσ αὐγῆσ μάλιστα καὶ τοῦ φέγγουσ καὶ τῶν φωταγωγῶν μεμηχανημένον. ὁ γὰρ σοφὸσ ὡσ ἀληθῶσ Ἱππίασ τὸν μὲν ψυχροδόχον οἶκον εἰσ βορρᾶν προσκεχωρηκότα ἐποίησεν, οὐκ ἄμοιρον οὐδὲ τοῦ μεσημβρινοῦ ἀέροσ· τοὺσ δὲ πολλοῦ τοῦ θάλπουσ δεομένουσ νότῳ καὶ εὔρῳ καὶ ζεφύρῳ ὑπέθηκε. τί δ’ ἄν σοι τὸ ἐπὶ τούτῳ λέγοιμι παλαίστρασ καὶ τὰσ κοινὰσ τῶν ἱματιοφυλακούντων κατασκευὰσ ταχεῖαν ^ ἐπὶ τὸ λουτρὸν καὶ μὴ διὰ μακροῦ τὴν ὁδὸν ἐχούσασ τοῦ χρησίμου τε καὶ ἀβλαβοῦσ ἕνεκα;

καὶ μή με ὑπολάβῃ τισ μικρὸν ἔργον προθέμενον κοσμεῖν τῷ λόγῳ προαιρεῖσθαι· τὸ γὰρ ἐν τοῖσ κοινοῖσ καινὰ ἐπινοῆσαι κάλλουσ δείγματα, οὐ μικρᾶσ σοφίασ ἔγωγε τίθεμαι, οἱο͂ν καὶ τόδε τὸ ἔργον ὁ θαυμάσιοσ ἡμῖν Ἱππίασ ἐπεδείξατο πάσασ ἔχον τὰσ βαλανείου ἀρετάσ, τὸ χρήσιμον, τὸ εὔκαιρον, τὸ εὐφεγγέσ, τὸ σύμμετρον, τὸ τῷ τόπῳ ἡρμοσμένον, τὸ τὴν χρείαν ἀσφαλῆ παρεχόμενον, καὶ · προσέτι τῇ ἄλλῃ περινοίᾳ κεκοσμημένον, ἀφόδων μὲν ἀναγκαίων δυσὶν ἀναχωρήσεσιν, ἐξόδοισ δὲ πολλαῖσ τεθυρωμένον, ὡρῶν δὲ διττὰσ δηλώσεισ, τὴν μὲν δι’ ὕδατοσ καὶ μυκήματοσ, τὴν δὲ δι’ ἡλίου ἐπιδεικνύμενον. ταῦτα ἰδόντα μὴ ἀποδοῦναι τὸν πρέποντα ἔπαινον τῷ ἔργῳ οὐκ ἀνοήτου μόνον, ἀλλὰ καὶ ἀχαρίστου, μᾶλλον δὲ βασκάνου μοι εἶναι ἔδοξεν. ἐγὼ μὲν οὖν εἰσ δύναμιν καὶ τὸ ἔργον καὶ τὸν τεχνίτην καὶ δημιουργὸν ἠμειψάμην τῷ λόγῳ. εἰ δὲ θεὸσ παράσχοι καὶ λούσασθαί ποτε, πολλοὺσ οἶδα ἕξων τοὺσ κοινωνήσοντάσ μοι τῶν ἐπαίνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, (no name)

(루키아노스, (no name))

상위

목록

SEARCH

MENU NAVIGATION