Lucian, Gallus, (no name) 29:

(루키아노스, Gallus, (no name) 29:)

εἰε͂ν. ἐπὶ τὸν Σίμωνα πρῶτον ἄπιμεν ἢ παρ’ ἄλλον τινὰ τῶν πλουσίων; οὐ μὲν οὖν, ἀλλὰ παρὰ τὸν Σίμωνα, ὃσ ἀντὶ δισυλλάβου τετρασύλλαβοσ ἤδη πλουτήσασ εἶναι ἀξιοῖ. καὶ δὴ πάρεσμεν ’ἐπὶ τὰσ θύρασ. τί οὖν ποιῶ τὸ μετὰ τοῦτο; ἐπίθεσ τὸ πτερὸν ἐπὶ τὸ κλεῖθρον, ἰδοὺ δή. ὦ Ἡράκλεισ, ἀναπέπταται ὥσπερ ὑπὸ κλειδὶ ἡ θύρα. ἡγοῦ ἐσ τὸ πρόσθεν. ὁρᾷσ αὐτὸν ἀγρυπνοῦντα καὶ λογιζόμενον; ὁρῶ νὴ Δία πρὸσ ἀμαυράν γε καὶ διψῶσαν τὴν θρυαλλίδα, καὶ ὠχρὸσ δὲ ἐστὶν οὐκ οἶδ’ ὅθεν, ἀλεκτρυών, καὶ κατέσκληκεν ὅλοσ ἐκτετηκώσ, ὑπὸ φροντίδων δηλαδή· οὐ γὰρ νοσεῖν ἄλλωσ ἐλέγετο. ἄκουσον ἅ φησιν εἴσῃ γὰρ ὅθεν οὕτωσ ἔχει. οὐκοῦν τάλαντα μὲν ἑβδομήκοντα ἐκεῖνα πάνυ ἀσφαλῶσ ὑπὸ τῇ κλίνῃ κατορώρυκται καὶ οὐδεὶσ ἄλλοσ οἶδε, τὰ δὲ ἑκκαίδεκα εἶδεν, οἶμαι, Σωσύλοσ ὁ ἱπποκόμοσ ὑπὸ τῇ φάτνῃ κατακρύπτοντά με· ὅλοσ γοῦν περὶ τὸν ἱππῶνά ἐστιν, οὐ πάνυ ἐπιμελὴσ ἄλλωσ οὐδὲ φιλόπονοσ ὤν. εἰκὸσ δὲ ἡρπάσθαι πολλῷ πλείω τούτων, ἢ πόθεν γὰρ ὁ Τίβειοσ ^ τάριχοσ αὑτῷ οὕτω μέγα ὠψωνηκέναι χθὲσ ἐλέγετο ἢ τῇ γυναικὶ ἐλλόβιον ἐωνῆσθαι πέντε δραχμῶν ὅλων; τἀμὰ οὗτοι σπαθῶσι τοῦ κακοδαίμονοσ. ἀλλ’ οὐδὲ τὰ ἐκπώματα ἐν ἀσφαλεῖ μοι ἀπόκειται τοσαῦτα ὄντα· δέδια γοῦν μή τισ ὑπορύξασ τὸν τοῖχον ὑφέληται αὐτά· πολλοὶ φθονοῦσι καὶ ἐπιβουλεύουσί μοι, καὶ μάλιστα ὁ γείτων Μίκυλλοσ. νὴ Δία· σοὶ γὰρ ὅμοιοσ ἐγὼ καὶ τὰ τρύβλια ὑπὸ μάλησ ἄπειμι ἔχων. σιώπησον, Μίκυλλε, μὴ καταφωράσῃ παρόντασ ἡμᾶσ. ἄριστον γοῦν ἄγρυπνον αὐτὸν φυλάττειν ἅπασαν περίειμι διαναστὰσ ἐν κύκλῳ τὴν οἰκίαν. τίσ οὗτοσ; ὁρῶ σέ γε, τοιχωρύχε μὰ Δία, ἐπεὶ κίων γε ὢν τυγχάνεισ, εὖ ἔχει. ἀριθμήσω αὖθισ ἀνορύξασ τὸ χρυσίον, μὴ τί με πρῴην διέλαθεν. ἰδοὺ πάλιν ἐψόφηκέ τισ· ἐπ’ ἐμὲ δηλαδή· πολιορκοῦμαι καὶ ἐπιβουλεύομαι πρὸσ ἁπάντων. ποῦ μοι τὸ ξιφίδιον; ἂν λάβω τινὰ , θάπτωμεν αὖθισ τὸ χρυσίον.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION