Lucian, Gallus, (no name) 28:

(루키아노스, Gallus, (no name) 28:)

ἀληθῆ ἴσωσ ταῦτα, ὦ ἀλεκτρυών. ἐγὼ δὲ ὃ πέπονθα οὐκ αἰσχύνομαι πρὸσ σὲ εἰπεῖν οὐδέπω δύναμαι ἀπομαθεῖν τὴν ἐπιθυμίαν ἣν ἐκ παίδων εἶχον πλούσιοσ γενέσθαι, ἀλλὰ μὴν καὶ τοὐνύπνιον ἔτι πρὸ τῶν ὀφθαλμῶν ἕστηκεν ἐπιδεικνύμενον τὸ χρυσίον, καὶ μάλιστα ἐπὶ τῷ καταράτῳ Σίμωνι ἀποπνίγομαι τρυφῶντι ἐν ἀγαθοῖσ τοσούτοισ. ἐγώ σε ἰάσομαι, ὦ Μίκυλλε· καὶ ἐπείπερ ἔτι νύξ ἐστιν, ἐξαναστὰσ ἕπου μοι· ἀπάξω γάρ σε παρ’ αὐτὸν ἐκεῖνον τὸν Σίμωνα καὶ εἰσ τὰσ τῶν ἄλλων πλουσίων οἰκίασ, ὡσ ἴδοισ οἱᾶ τὰ παρ’ αὐτοῖσ ἐστι. πῶσ τοῦτο, κεκλεισμένων τῶν θυρῶν; εἰ μὴ καὶ τοιχωρυχεῖν γε σύ με ἀναγκάσεισ. οὐδαμῶσ, ἀλλ’ ὁ Ἑρμῆσ, οὗπερ ἱερόσ εἰμι, ἐξαίρετον ἔδωκέ μοι τοῦτο, ἤν τισ τὸ οὐραῖον πτερὸν τὸ μήκιστον, ὃ δι’ ἁπαλότητα ἐπικαμπέσ ἐστι ‐ δύο δ’ ἔστι σοι τοιαῦτα. τὸ δεξιὸν τοίνυν ὅτῳ ἂν ἐγὼ ἀποσπάσαι παράσχω καὶ ἔχειν,^ ἐσ ὅσον ἂν βούλωμαι ἀνοίγειν τε ὁ τοιοῦτοσ πᾶσαν θύραν δύναται καὶ ὁρᾶν ἅπαντα οὐχ ὁρώμενοσ αὐτόσ. ἐλελήθεισ με, ὦ ἀλεκτρυών, καὶ σὺ γόησ ὤν. ἐμοὶ δ’ οὖν ἢν τοῦτο ἅπαξ παράσχῃσ, ὄψει τὰ Σίμωνοσ πάντα ἐν βραχεῖ δεῦρο μετενηνεγμένα· μετοίσω γὰρ αὐτὰ παρεισελθών, ὁ δὲ αὖθισ περιτρώξεται ἀποτείνων τὰ καττύματα. οὐ θέμισ γενέσθαι τοῦτο· παρήγγειλε γὰρ ὁ Ἑρμῆσ, ἤν τι τοιοῦτον ἐργάσηται ὁ ἔχων τὸ πτερόν, ἀναβοήσαντά με καταφωρᾶσαι αὐτόν. ἀπίθανον λέγεισ, κλέπτην τὸν Ἑρμῆν αὐτὸν ὄντα τοῖσ ἄλλοισ φθονεῖν τοῦ τοιούτου. ἀπίωμεν δ’ ὅμωσ· ἀφέξομαι γὰρ τοῦ χρυσίου, ἢν δύνωμαι. ἀπότιλον, ὦ Μίκυλλε, πρότερον τὸ πτίλον τί τοῦτο; ἄμφω ἀπέτιλασ. ἀσφαλέστερον οὕτωσ, ὦ ἀλεκτρυών, καὶ σοὶ ἧττον ἂν ἄμορφον τὸ πρᾶγμα εἰή, ὡσ μὴ χωλεύοισ διὰ θάτερον τῆσ οὐρᾶσ μέροσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION