Lucian, Gallus, (no name) 25:

(루키아노스, Gallus, (no name) 25:)

οὐδέπω ἔφησθα τὸν πηλὸν καὶ τοὺσ γόμφουσ καὶ μοχλοὺσ οἵτινεσ εἰε͂ν τῆσ ἀρχῆσ, οὐδὲ τὴν ἀμορφίαν ἐκείνην τὴν πολλὴν ἥτισ ἐστὶν ὡσ τὸ γε ἐξελαύνειν ἀποβλεπόμενον καὶ τοσούτων ἄρχοντα καὶ προσκυνούμενον δαιμονίωσ ἐοίκέ σου τῷ ^ κολοσσιαίῳ παραδείγματι· θεσπέσιον γάρ τι καὶ τοῦτο. σὺ δὲ τὰ ἔνδον ἤδη τοῦ κολοσσοῦ λέγε. τί πρῶτον εἴπω σοι, ὦ Μίκυλλε; τοὺσ φόβουσ καὶ τὰ δείματα καὶ ὑποψίασ καὶ μῖσοσ τὸ παρὰ τῶν συνόντων καὶ ἐπιβουλάσ, καὶ διὰ ταῦτα ὕπνον τε ὀλίγον, ἐπιπόλαιον κἀκεῖνον, καὶ ταραχῆσ μεστὰ ὀνείρατα καὶ ἐννοίασ πολυπλόκουσ καὶ ἐλπίδασ ἀεὶ πονηράσ, ἢ τὴν ἀσχολίαν καὶ χρηματισμοὺσ καὶ δίκασ καὶ ἐκστρατείασ καὶ προστάγματα καὶ συνθήματα καὶ λογισμούσ; ὑφ’ ὧν οὐδὲ ὄναρ ἀπολαῦσαί τινοσ ἡδέοσ ἐγγίνεται, ἀλλ’ ἀνάγκη ὑπὲρ ἁπάντων μόνον διασκοπεῖσθαι καὶ μυρία ἔχειν πράγματα· οὐδὲ γὰρ Ἀτρείδην Ἀγαμέμνονα ὕπνοσ ἔχε γλυκερὸσ πολλὰ φρεσὶν ὁρμαίνοντα, καὶ ταῦτα ῥεγκόντων Ἀχαιῶν ἁπάντων. λυπεῖ δὲ τὸν μὲν Λυδὸν υἱὸσ κωφὸσ ὤν, τὸν Πέρσην δὲ Κλέαρχοσ Κύρῳ ξενολογῶν, ἄλλον δὲ Δίων πρὸσ οὖσ τισι τῶν Συρακουσίων κοινολογούμενοσ, καὶ ἄλλον Παρμενίων ἐπαινούμενοσ καὶ Περδίκκαν Πτολεμαῖοσ καὶ Πτολεμαῖον Σέλευκοσ· ἀλλὰ κἀκεῖνα λυπεῖ, ὁ ἐρώμενοσ πρὸσ ἀνάγκην συνὼν καὶ παλλακὶσ ἄλλῳ χαίρουσα καὶ ἀποστήσεσθαί τινεσ λεγόμενοι καὶ δύ’ ἢ τέτταρεσ τῶν δορυφόρων πρὸσ ἀλλήλουσ διαψιθυρίζοντεσ. τὸ δὲ μέγιστον, ὑφορᾶσθαι δεῖ μάλιστα τοὺσ φιλτάτουσ κἀξ ἐκείνων ἀεί τι δεινὸν ἐλπίζειν ἥξειν. ἐγὼ γοῦν ὑπὸ τοῦ παιδὸσ ἀπέθανον ἐκ φαρμάκων, ὁ δὲ καὶ αὐτὸσ ὑπὸ τοῦ ἐρωμένου, τὸν δὲ ἄλλοσ ἴσωσ ὁμοιότροποσ θάνατοσ κατέλαβεν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION