Lucian, Gallus, (no name) 13:

(루키아노스, Gallus, (no name) 13:)

οὕτω φιλόχρυσοσ εἶ καὶ φιλόπλουτοσ, ὦ Μίκυλλε, καὶ μόνον τοῦτο ἐξ ἅπαντοσ θαυμάζεισ καὶ ἡγῇ εὔδαιμον εἶναι, πολὺ κεκτῆσθαι χρυσίον; οὐκ ἐγὼ μόνοσ, ὦ Πυθαγόρα, τοῦτο, ἀλλὰ καὶ σὺ αὐτόσ, ὁπότε Εὔφορβοσ ἦσθα, χρυσὸν καὶ ἄργυρον ἐξημμένοσ τῶν βοστρύχων ᾔεισ πολεμήσων τοῖσ Ἀχαιοῖσ, καὶ ἐν τῷ πολέμῳ, ἔνθα σιδηροφορεῖν ἄμεινον ἦν, σὺ δὲ καὶ τότε ἠξίουσ χρυσῷ ἀναδεδεμένοσ τοὺσ πλοκάμουσ διακινδυνεύσειν. "χρυσῷ τε καὶ ἀργύρῳ ἐσφήκωντο. μακρῷ γὰρ ἀμείνουσ δηλαδὴ καὶ ἐρασμιώτεραι ἐφαίνοντο συναναπεπλεγμέναι τῷ χρυσίῳ καὶ συναπολάμπουσαι μετ’ αὐτοῦ. καίτοι τὰ μὲν σά, ὦ χρυσοκόμη, μέτρια, εἰ Πάνθου υἱὸσ ὢν ἐτίμασ τὸ χρυσίον ὁ δὲ πάντων θεῶν πατὴρ καὶ ἄνδρων, ὁ Κρόνου καὶ Ῥέασ, ὁπότε ἠράσθη τῆσ Ἀργολικῆσ ἐκείνησ μείρακοσ, οὐκ ἔχων εἰσ ὅ τι ἐρασμιώτερον αὑτὸν μεταβάλοι οὐδὲ ὅπωσ ἂν ^ διαφθείρειε τοῦ Ἀκρισίου τὴν φρουράν ‐ ἀκούεισ δήπου ὡσ χρυσίον ἐγένετο καὶ ῥυεὶσ διὰ τοῦ τέγουσ συνῆν τῇ ἀγαπωμένῃ. ὥστε τί ἄν σοι τὸ ἐπὶ τούτῳ ἔτι λέγοιμι, ὅσασ μὲν χρείασ παρέχεται ὁ χρυσόσ, ὡσ δὲ οἷσ ἂν παρῇ, καλούσ τε αὐτοὺσ καὶ σοφοὺσ καὶ ἰσχυροὺσ ἀπεργάζεται τιμὴν καὶ δόξαν προσάπτων, καὶ ἐξ ἀφανῶν καὶ ἀδόξων ἐνίοτε περιβλέπτουσ καὶ ἀοιδίμουσ ἐν βραχεῖ τίθησι;

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION