Lucian, Gallus, (no name) 3:

(루키아노스, Gallus, (no name) 3:)

ἀλλὰ μὴ ὄνειροσ καὶ ταῦτά ἐστιν, ἀλεκτρυὼν οὕτω πρὸσ ἐμὲ διαλεγόμενοσ; εἰπὲ δ’ οὖν πρὸσ τοῦ Ἑρμοῦ, ὦ βέλτιστε, ὅ τι καὶ ἄλλο σοι τῆσ φωνῆσ αἴτιον. ὡσ δὲ σιωπήσομαι καὶ πρὸσ οὐδένα ἐρῶ, τι σε χρὴ δεδιέναι; τίσ γὰρ ἂν πιστεύσειέ μοι, εἴ τι διηγοίμην ὡσ ἀλεκτρυόνοσ αὐτὸ εἰπόντοσ ἀκηκοώσ; ἄκουε τοίνυν παραδοξότατόν σοι εὖ οἶδ’ ὅτι λόγον, ὦ Μίκυλλε· οὑτοσὶ γὰρ ὁ νῦν σοι ἀλεκτρυὼν φαινόμενοσ οὐ πρὸ πολλοῦ ἄνθρωποσ ἦν. ἤκουσά τι καὶ πάλαι τοιοῦτον ἀμέλει περὶ ὑμῶν ὡσ Ἀλεκτρυών τισ νεανίσκοσ φίλοσ γένοιτο τῷ Ἄρει καὶ συμπίνοι τῷ θεῷ καὶ συγκωμάζοι καὶ κοινωνοίη τῶν ἐρωτικῶν εἴποτε γοῦν ἀπίοι παρὰ τὴν Ἀφροδίτην μοιχεύσων ὁ Ἄρησ, ἐπάγεσθαι καὶ τὸν Ἀλεκτρυόνα, καὶ ἐπειδήπερ τὸν Ἥλιον μάλιστα ὑφεωρᾶτο, μὴ κατιδὼν ἐξείποι πρὸσ τὸν Ἥφαιστον, ἔξω πρὸσ ταῖσ θύραισ ἀπολείπειν ἀεὶ τὸν νεανίσκον μηνύσοντα ὁπότε ἀνίσχοι ὁἭλιοσ. εἶτά ποτε κατακοιμηθῆναι τὸν Ἀλεκτρυόνα καὶ προδοῦναι τὴν φρουρὰν ἄκοντα τὸν δὲ Ἥλιον λαθόντα ἐπιστῆναι τῇ Ἀφροδίτῃ καὶ τῷ Ἄρει ἀφρόντιδι ἀναπαυομένῳ διὰ τὸ πιστεύειν τὸν Ἀλεκτρυόνα μηνῦσαι ἄν, εἴ τισ ἐπίοι· καὶ οὕτω τὸν Ἥφαιστον παρ’ Ἡλίου μαθόντα συλλαβεῖν αὐτοὺσ περιβαλόντα καὶ σαγηνεύσαντα τοῖσ δεσμοῖσ ἃ πάλαι μεμηχάνητο ἐπ’ αὐτούσ· ἀφεθέντα δὲ ὡσ ἀφείθη τὸν Ἄρη ἀγανακτῆσαι κατὰ τοῦ Ἀλεκτρυόνοσ καὶ μεταβαλεῖν αὐτὸν εἰσ τουτὶ τὸ ὄρνεον αὐτοῖσ ὅπλοισ, ὡσ ἔτι τοῦ κράνουσ τὸν λόφον ἔχειν ἐπὶ τῇ κεφαλῇ. διὰ τοῦτο ὑμᾶσ ἀπολογουμένουσ τῷ Ἄρει ὅτ’ οὐδὲν ὄφελοσ, ἐπειδὰν αἴσθησθε ἀνελευσόμενον τὸν ἥλιον, πρὸ πολλοῦ βοᾶν ἐπισημαινομένουσ τὴν ἀνατολὴν αὐτοῦ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION