호흡부호 보기
강세부호 보기
장단부호 보기
작은 Iota 보기
모든 부호 보기
ὦ Ζεῦ τεράστιε καὶ Ἡράκλεισ ἀλεξίκακε, τί τὸ κακὸν τοῦτό ἐστιν; εἰ δὲ ἐχεμυθήσειν ὑπόσχοιό μοι, οὐκ ἂν ὀκνήσαιμί σοι τὴν ἀληθεστέραν αἰτίαν εἰπεῖν τῆσ πρὸσ ὑμᾶσ ὁμοφωνίασ καὶ ὅθεν ὑπάρχει μοι οὕτω λαλεῖν. ἀνθρωπίνωσ ἐλάλησεν ὁ ἀλεκτρυών. εἶτά σοι τέρασ εἶναι δοκεῖ τὸ τοιοῦτον, εἰ ὁμόφωνοσ ὑμῖν εἰμι; πῶσ γὰρ οὐ τέρασ; ἀλλ’ ἀποτρέποιτε, ὦ θεοί, τὸ δεινὸν ἀφ’ ἡμῶν. σύ μοι δοκεῖσ, ὦ Μίκυλλε, κομιδῇ ἀπαίδευτοσ εἶναι μηδὲ ἀνεγνωκέναι τὰ Ὁμήρου ποιήματα, ἐν οἷσ καὶ ὁ τοῦ Ἀχιλλέωσ ἵπποσ ὁ Ξάνθοσ μακρὰ χαίρειν φράσασ τῷ χρεμετίζειν ἕστηκεν ἐν μέσῳ τῷ πολέμῳ διαλεγόμενοσ, ἔπη ὅλα ῥαψῳδῶν, οὐχ ὥσπερ ἐγὼ νῦν ἄνευ τῶν μέτρων. ἀλλὰ καὶ ἐμαντεύετο ἐκεῖνοσ καὶ τὰ μέλλοντα προεθέσπιζε καὶ οὐδέν τι παράδοξον ἐδόκει ποιεῖν, οὐδὲ ὁ ἀκούων ἐπεκαλεῖτο ὥσπερ σὺ τὸν ἀλεξίκακον, ἀποτρόπαιον ἡγούμενοσ τὸ ἄκουσμα. καίτοι τί ἂν ἐποίησασ, εἴ σοι ἡ τῆσ Ἀργοῦσ τρόπισ ἐλάλησεν ὥσπερ ποτέ, ἢ ἡ φηγὸσ ἐν Δωδώνῃ αὐτόφωνοσ ἐμαντεύσατο, ἢ εἰ βύρσασ εἶδεσ ἑρπούσασ καὶ βοῶν κρέα μυκώμενα ἡμίοπτα ^ περιπεπαρμένα τοῖσ ὀβελοῖσ; ἐγὼ δὲ Ἑρμοῦ πάρεδροσ ὢν λαλιστάτου καὶ λογιωτάτου θεῶν ἁπάντων καὶ τὰ ἄλλα ὁμοδίαιτοσ ὑμῖν καὶ σύντροφοσ οὐ χαλεπῶσ ἔμελλον ἐκμαθήσεσθαι τὴν ἀνθρωπίνην φωνήν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기