Lucian, Fugitivi, (no name) 33:

(루키아노스, Fugitivi, (no name) 33:)

σόν, ὦ Ἑρμῆ, δικάζειν τὸ μετὰ τοῦτο. οὕτω μοι δοκεῖ, ταύτην μέν, ἵνα μηδὲν τέρασ μηδὲ πολυκέφαλον τέκῃ, οἴχεσθαι παρὰ τὸν ἄνδρα ὀπίσω ἐσ τὴν Ἑλλάδα, τὼ δύο δὲ τούτω δραπετίσκω παραδοθέντε τοῖν δεσπόταιν μανθάνειν ἃ πρὸ τοῦ, τὸν μὲν ἀποπλύνειν τὰσ ῥυπώσασ τῶν ὀθονῶν, τὸν Ληκυθίωνα, τὸν Μυρόπνουν δὲ αὖθισ ἀκεῖσθαι τῶν ἱματίων τὰ διερρωγότα, μαλάχῃ γε πρότερον μαστιγωθέντε. ^ ἔπειτα καὶ τοῦτον παραδοθῆναι τοῖσ πιττωταῖσ, ὡσ ἀπόλοιτο παρατιλλόμενοσ τὰ πρῶτα, ῥυπώσῃ προσέτι καὶ γυναικείᾳ τῇ πίττῃ, εἶτα ἐσ τὸν Αἷμον ἀναχθέντα γυμνὸν ἐπὶ τῆσ χιόνοσ μένειν συμπεποδισμένον τὼ πόδε. φεῦ τῶν κακῶν, ὀτοτοῖ, παππαπαιάξ. τί τοῦτο παρεντίθησ τῶν τραγικῶν σου ^ διαλόγων; ἀλλ’ ἀκολούθει παρὰ τοὺσ πιττωτὰσ ἤδη, ἀποδυσάμενόσ γε πρότερον τὴν λεοντῆν, ὡσ γνωσθῇσ ὄνοσ ὤν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION