Lucian, Fugitivi, (no name) 24:

^ Κατίωμεν, ὡσ κἂν ὀλίγουσ αὐτῶν ἐπιτρίψωμεν σήμερον. ποίαν δὲ χρὴ τραπέσθαι, ὦ Φιλοσοφία; σὺ γὰρ οἶσθα ὅπου εἰσίν. ἢ πρόδηλον ὅτι ἐν τῇ Ἑλλάδι; οὐδαμῶσ, ἢ πάνυ ὀλίγοι, ὅσοι ὀρθῶσ φιλοσοφοῦσιν, ὦ Ἑρμῆ. οὗτοι δὲ οὐδὲν Ἀττικῆσ πενίασ δέονται, ἀλλ’ ἔνθα πολὺσ χρυσὸσ ἢ ἄργυροσ ὀρύττεται, ἐκεῖ που ζητητέοι εἰσὶν ἡμῖν. οὐκοῦν εὐθὺ τῆσ Θρᾴκησ ἀπιτέον. εὖ λέγεισ, καὶ ἡγήσομαί γε ὑμῖν τῆσ ὁδοῦ. οἶδα γὰρ τὰ Θρᾳκῶν ἅπαντα, συχνάκισ ἐπελθών. καί μοι τήνδε ἤδη τραπώμεθα. ποίαν λέγεισ;