Lucian, Fugitivi, (no name) 1:

(루키아노스, Fugitivi, (no name) 1:)

ἀληθῆ ταῦτά φασιν, πάτερ, ὡσ ἐμβάλοι τισ φέρων αὑτὸν εἰσ τὸ πῦρ κατέναντι Ὀλυμπίων, ἤδη πρεσβύτησ ἄνθρωποσ, οὐκ ἀγεννὴσ θαυματοποιὸσ τὰ τοιαῦτα; ἡ Σελήνη γὰρ ἡμῖν διηγεῖτο, αὐτὴ ἑωρακέναι καιόμενον λέγουσα. καὶ πάνυ ἀληθῆ, ὦ Ἄπολλον ὡσ μή ποτε γενέσθαι ὤφελεν. οὕτω χρηστὸσ ὁ γέρων ἦν καὶ ἀνάξιοσ ἐν πυρὶ ἀπολωλέναι; καὶ τοῦτο μὲν ἴσωσ· ἀλλ’ ἐγὼ πολλὴν τὴν ἀηδίαν μέμνημαι ἀνασχόμενοσ τότε ὑπὸ κνίσησ πονηρᾶσ, οἱάν εἰκὸσ ἀποφέρεσθαι ὀπτωμένων ἀνθρωπείων σωμάτων. εἰ γοῦν μὴ εἰσ τὴν Ἀραβίαν ὡσ εἶχον εὐθὺσ ἀπιὼν ᾠχόμην, ἀπολώλειν ἄν, εὖ ἴσθι, ἀτοπίᾳ τοῦ καπνοῦ· καὶ ὅμωσ ἐν τοσαύτῃ εὐωδίᾳ καὶ ἀφθονίᾳ τῶν ἀρωμάτων καὶ ἐν λιβανωτῷ παμπόλλῳ μόλισ αἱ ῥῖνεσ ἐπιλαθέσθαι μοι καὶ ἀπομαθεῖν ἤθελον τὴν κηλῖδα ἐκείνην τῆσ ὀσμῆσ, ἀλλὰ καὶ νῦν ὀλίγου δέω ναυτιᾶν ὑπομνησθεὶσ αὐτῆσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION