Lucian, De parasito sive artem esse parasiticam, (no name) 42:

(루키아노스, De parasito sive artem esse parasiticam, (no name) 42:)

ἀλλὰ τί δεῖ ταῦτα εἰκάζειν ἔχοντασ αὐτῶν παραδείγματα; ἁπλῶσ γὰρ εἰπεῖν, ἐν πολέμῳ τῶν πώποτε ῥητόρων ἢ φιλοσόφων οἱ μὲν οὐδὲ ὅλωσ ὑπέμειναν ἔξω τοῦ τείχουσ προελθεῖν, εἰ δέ τισ καὶ ἀναγκασθεὶσ παρετάξατο, φημὶ τοῦτον λείψαντα τὴν τάξιν ὑποστρέφειν. ὡσ θαυμάσια πάντα καὶ οὐδὲν ὑπισχνῇ μέτριον. λέγε δὲ ὅμωσ. τῶν μὲν τοίνυν ῥητόρων Ἰσοκράτησ οὐχ ὅπωσ εἰσ πόλεμον ἐξῆλθέν ποτε, ἀλλ’ οὐδ’ ἐπὶ δικαστήριον ἀνέβη, διὰ δειλίαν, οἶμαι, ὅτι οὐδὲ τὴν φωνὴν διὰ τοῦτο εἶχεν ἔτι. τί δ’; ^ οὐχὶ Δημάδησ μὲν καὶ Αἰσχίνησ καὶ Φιλοκράτησ ὑπὸ δέουσ εὐθὺσ τῇ καταγγελίᾳ τοῦ Φιλίππου πολέμου τὴν πόλιν προὔδοσαν καὶ σφᾶσ αὐτοὺσ τῷ Φιλίππῳ καὶ διετέλεσαν Ἀθήνησιν ἀεὶ τὰ ἐκείνου πολιτευόμενοι, ὃσ εἴ γε καὶ ἄλλοσ τισ Ἀθηναίοισ ^ κατὰ ταῦτα ἐπολέμει· κἀκεῖνοσ ἐν αὐτοῖσ ἦν φίλοσ. Ὑπερίδησ δὲ καὶ Δημοσθένησ καὶ Λυκοῦργοσ, οἳ γε δοκοῦντεσ ἀνδρειότεροι κἀν ταῖσ ἐκκλησίαισ ἀεὶ θορυβοῦντεσ καὶ λοιδορούμενοι τῷ Φιλίππῳ, τί ποτε ἀπειργάσαντο γενναῖον ἐν τῷ πρὸσ αὐτὸν πολέμῳ; καὶ Ὑπερίδησ μὲν καὶ Λυκοῦργοσ οὐδὲ ἐξῆλθον, ἀλλ’ οὐδὲ ὅλωσ ἐτόλμησαν μικρὸν ἔξω παρακῦψαι τῶν πυλῶν, ἀλλ’ ἐντειχίδιοι ἐκάθηντο παρ’ αὐτοῖσ ἤδη πολιορκούμενοι γνωμίδια καὶ προβουλευμάτια συντιθέντεσ. ὁ δὲ δὴ κορυφαιότατοσ αὐτῶν, ὁ ταυτὶ λέγων ἐν ταῖσ ἐκκλησίαισ συνεχῶσ· τολμήσασ προελθεῖν εἰσ τὴν Βοιωτίαν, πρὶν ἢ συμμῖξαι τὰ στρατόπεδα καὶ συμβαλεῖν εἰσ χεῖρασ ῥίψασ τὴν ἀσπίδα ἔφυγεν. ἢ οὐδέπω ταῦτα πρότερον διήκουσασ οὐδενόσ, πάνυ γνώριμα ὄντα οὐχ ὅπωσ Ἀθηναίοισ, ἀλλὰ Θρᾳξὶ καὶ Σκύθαισ, ὅθεν ἐκεῖνο τὸ κάθαρμα ἦν;

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION