Lucian, De parasito sive artem esse parasiticam, (no name) 11:

(루키아노스, De parasito sive artem esse parasiticam, (no name) 11:)

ὅ γε μὴν Ἐπίκουροσ σφόδρα ἀναισχύντωσ ὑφελόμενοσ τὸ τῆσ παρασιτικῆσ τέλοσ τῆσ καθ’ αὑτὸν εὐδαιμονίασ τέλοσ αὐτὸ ποιεῖ. καὶ ὅτι κλοπὴ τὸ πρᾶγμά ἐστιν καὶ οὐδὲν Ἐπικούρῳ μέλει τὸ ἡδύ, ἀλλὰ τῷ παρασίτῳ, οὕτω μάθοισ ἄν. ἔγωγε ἡγοῦμαι τὸ ἡδὺ πρῶτον μὲν τὸ τῆσ σαρκὸσ ἀόχλητον, ἔπειτα τὸ μὴ θορύβου καὶ ταραχῆσ τὴν ψυχὴν ἐμπεπλῆσθαι. τούτων τοίνυν ὁ μὲν παράσιτοσ ἑκατέρων τυγχάνει, ὁ δὲ Ἐπίκουροσ οὐδὲ θατέρου· ὁ γὰρ ζητῶν περὶ σχήματοσ γῆσ καὶ κόσμων ἀπειρίασ καὶ μεγέθουσ ἡλίου καὶ ἀποστημάτων καὶ πρώτων στοιχείων καὶ περὶ θεῶν, εἴτε εἰσὶν εἴτε οὐκ εἰσί, καὶ περὶ αὐτοῦ τοῦ τέλουσ ἀεὶ πολεμῶν καὶ διαφερόμενοσ πρόσ τινασ οὐ μόνον ἐν ἀνθρωπίναισ, ἀλλὰ καὶ ἐν κοσμικαῖσ ἐστιν ὀχλήσεσιν. ὁ δὲ παράσιτοσ πάντα καλῶσ ἔχειν οἰόμενοσ καὶ πεπιστευκὼσ μὴ ἄλλωσ ταῦτα ἔχειν ἄμεινον ἢ ἔχει, μετὰ πολλῆσ ἀδείασ καὶ γαλήνησ, οὐδενὸσ αὐτῷ τοιούτου παρενοχλοῦντοσ, ἐσθίει καὶ κοιμᾶται ὕπτιοσ ἀφεικὼσ τοὺσ πόδασ καὶ τὰσ χεῖρασ ὥσπερ Ὀδυσσεὺσ τῆσ Σχερίασ ^ ἀποπλέων οἴκαδε.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION